ଯୌନ ନିର୍ଯାତନା ଅଭିଯୋଗ ଆସିବା ପରେ ପୁଣିଥରେ ଇଣ୍ଡିଆନ୍ ଆଇଡଲରୁ ବିଦା ହେଲ ଅନୁ ମଲ୍ଲିକ ! ସେପଟେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ଚିଠି ଲେଖିଲେ ସୋନା ମହାପାତ୍ର
କଟକ ବାଲିଯାତ୍ରା ପଡ଼ିଆରୁ ରବିବାର ଦିନ କଣ୍ଠଶିଳ୍ପୀ ସୋନା ମହାପାତ୍ର ସଙ୍ଗୀତ ନିର୍ଦ୍ଦେଶକ ଅନୁ ମଲ୍ଲିକଙ୍କ ବିରୋଧରେ ଯୁଦ୍ଧ ଡାକରା ଦେବା ପରେ ଆଜି ତା’ର ପ୍ରଭାବ ଦେଖିବାକୁ ମିଳିଛି। ଇଣ୍ଡିଆନ୍ ଆଇଡଲର ବିଚାରକ ଭୂମିକା ନିଭାଉଥିବା ଅନୁ ମଲ୍ଲିକଙ୍କ ନାମରେ ପୂର୍ବରୁ ଯୌନ ନିର୍ଯାତନା ଅଭିଯୋଗ ଆସିଥିବାବେଳେ ବର୍ତ୍ତମାନ ସେ ଏହି ଶୋ’ରୁ ବିଦା ହୋଇଛନ୍ତି। ଏନେଇ ସୋନା ପୂର୍ବରୁ ମଧ୍ୟ ଅଭିଯୋଗ ଆଣିଥିବାବେଳେ ଏବେ ବାଲିଯାତ୍ରା ମଞ୍ଚରେ ତା’କୁ ଦୋହରାଇଥିଲେ। ଏହାପରେ ସେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ଖୋଲା ଚିଠି ମଧ୍ୟ ଲେଖିଥିଲେ, ଯାହାର ପ୍ରଭାବ ତୁରନ୍ତ ଦେଖିବାକୁ ମିଳିଛି।
The person is Anu Malik. https://t.co/9wvD6rUl0g
— ShutUpSona (@sonamohapatra) November 21, 2019
ରବିବାର ବାଲିଯାତ୍ରା ପଡ଼ିଆରୁ ସୋନା ମଞ୍ଚରେ ସଙ୍ଗୀତ ପରିବେଷଣ କରିବା ଅବସରରେ କହିଥିଲେ, ସେ ଚାହାନ୍ତିନି ଅନୁ ମଲ୍ଲିକ ଭାରତୀୟ କଣ୍ଠଶିଳ୍ପୀଙ୍କ ଆଦର୍ଶ ହୁଅନ୍ତୁ। ସେ ଏହାପରେ ସ୍ମୃତି ଇରାନୀଙ୍କୁ ଟ୍ୱିଟ୍ ଜରିଆରେ ଖୋଲା ଚିଠିରେ ଲେଖିଥିଲେ, “ଯୌନ ନିର୍ଯାତନା ଅଭିଯୋଗ ଥିବା ବ୍ୟକ୍ତିଙ୍କୁ କୌଣସି ସଂସ୍ଥା ନିଯୁକ୍ତି ଦେବା ଆଗରୁ ଯାଞ୍ଚ କରିବା ନେଇ ଆପଣଙ୍କ ପଦକ୍ଷେପ ପ୍ରତି ଧନ୍ୟବାଦ ଜ୍ଞାପନ କରୁଛି। ଏଭଳି କିଛି ଅଭିଯୋଗ ଅନୁ ମଲ୍ଲିକଙ୍କ ନାମରେ ଆସିବା ପରେ ମଧ୍ୟ ତାଙ୍କୁ ସୋନି ଟିଭି ଯୁବ କଣ୍ଠଶିଳ୍ପୀଙ୍କ ବିଚାରକ ଭାବେ ନେଉଛି। ଏହାର ଅର୍ଥ କ’ଣ ଯୌନ ନିର୍ଯାତନା ଅଭିଯୋଗର କିଛି ପ୍ରଭାବ ନାହିଁ?”
My open letter to the honourable minister for women & child development.👇🏾. @smritiirani ,I hugely admire you, your tenacity & commitment to work for the welfare of people in India & I request you to please read this.Many more women are writing in to me privately about this man🙏🏾 pic.twitter.com/Z8bU8RG528
— ShutUpSona (@sonamohapatra) November 21, 2019
ସୂଚନା ମୁତାବକ, ଇଣ୍ଡିଆନ ଆଇଡଲ୍ ୧୧ ରୁ ବିଦା ହୋଇଛନ୍ତି ଅନୁ ମଲ୍ଲିକ। ତାଙ୍କ ଯାଗାରେ କିଏ ତାଙ୍କ ଦାୟିତ୍ଵ ତୁଲାଇବେ ସେ ନେଇ କୌଣସି ସୂଚନା ମିଳିନାହିଁ । ଏହି ପୁରା ଘଟଣା ପରେ ଏକ ବଡ଼ କଥା ସାମ୍ନାକୁ ଆସିଛି । ଅନୁ କହିଛନ୍ତି କି, ସେ ଶୋ ରୁ ନିଜ ଇଛା ଅନୁସାରେ ୩ ସପ୍ତାହ ପାଇଁ ବ୍ରେକ୍ ନେଇଛନ୍ତି । ନିଜକୁ ନିର୍ଦ୍ଦୋଷ ସାବ୍ୟସ୍ତ କରିବା ପରେ ହିଁ ସେ ଶୋକୁ ଫେରିବେ ବୋଲି ସୂଚନା ଦେଇଛନ୍ତି ।