କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଚରିତ୍ରରେ ନଜର ଆସିବେ ଏହି ଅଭିନେତ୍ରୀ, ଭାଷଣର ଭିଡିଓ ହେଉଛି ଭାଇରାଲ
ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଉପରେ ଲେଖାଯାଇଥିବା ସଂଜୟ ବାରୁଙ୍କ ପୁସ୍ତକ ‘ଦ ଆକ୍ସିଡେଣ୍ଟାଲ ପ୍ରାଇମ ମିନିଷ୍ଟର’କୁ ନେଇ ନିର୍ମିତ ଫିଲ୍ମର କାମ ଏବେ ଜୋରସୋରରେ ଚାଲିଛି । ମନମୋହ ସିଂଙ୍କ ଭୂମିକରେ ନଜର ଆସିଥିବା ଅନୁପମ ଖେର ନିଜର ସୁଟିଂ ଶେଷ କରିବା ଉପରେ । ସୁଟିଂ ସମୟର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ଏବଂ ଦର୍ଶକ ମଧ୍ୟ ସେଗୁଡିକୁ ପସନ୍ଦ କରିଛନ୍ତି । ତେବେ ଫିଲ୍ମରେ ସୋନିଆ ଗାନ୍ଧୀଙ୍କ ଭୂମିକାରେ କିଏ ନଜର ଆସିବେ ତାହାକୁ ନେଇ କଳ୍ପନା ଜଳ୍ପନା ଲାଗି ରହିଥିଲା । ଏବେ ତାହା ଉପରୁ ପରଦା ଉଠି ସାରିଛି । ଜର୍ମାନ ଅଭିନେତ୍ରୀ ସୁଜେନ ବର୍ନଟଙ୍କୁ ସୋନିଆ ଗାନ୍ଧୀଙ୍କ ଭୂମିକାରେ ଦେଖିବାକୁ ମିଳିବ ।
ନିକଟରେ ସୁଜେନଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ସେ ସୋନିଆ ଗାନ୍ଧୀଙ୍କ ଲୁକରେ ନଜର ଆସିଛନ୍ତି ଏବଂ ତାଙ୍କ ପରି ଭାଷଣ ମଧ୍ୟ ଦେଉଛନ୍ତି ।
ଏହା ପୂର୍ବରୁ ଫିଲ୍ମ ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । ଭିଡିଓରେ ଅନୁପମ ଖେର ମନମୋହନ ସିଂଙ୍କ ପରି ଚାଲୁଥିବାର ଦେଖିବାକୁ ମିଳିଥିଲା । ଏହି ଭିଡିଓ ଦେଖିଲେ କେହି ମଧ୍ୟ ଅନୁପମ ଖେରଙ୍କୁ ଚିହିଁପାରିବେ ନାହିଁ ।
‘ଦ ଆକ୍ସିଡେଣ୍ଟାଲ ପ୍ରାଇମ ମିନିଷ୍ଟର’ ଉପରେ ଆଧାରିତ ଏହି ଫିଲ୍ମ ୨୧ ଡିସେମ୍ବରକୁ ରିଲିଜ ହେବ । ଏହାର ରିଲିଜ ଡେଟକୁ ୨୦୧୯ ଲୋକସଭା ନିର୍ବାଚନ ଆଗରୁ ରଖାଯାଇଥିବାରୁ ଏବାକୁ ନେଇ ଅନେକ ବିବାଦ ଦେଖାଦେଇଛି ।
