ଅଭିନେତା ସୋନୁ ସୁଦ୍ଙ୍କୁ ଅନେକ ସମୟରେ ବଲିଉଡ୍ ଅଭିନେତା ଅକ୍ଷୟ କୁମାରଙ୍କ ଭଳି ଅନ୍ୟକୁ ସାହାଯ୍ୟ କରୁଥିବାର ଦେଖା ଯାଇଥାଏ । ଏବେ ସେ ପୁଲଓ୍ଵାମା ଆକ୍ରମଣରେ ସହିଦ୍ ହୋଇ ହୋଇଥିବା ଜୈମଲ ସିଂହଙ୍କ ପରିବାର ଲୋକଙ୍କୁ ଭେଟି ତାଙ୍କୁ ସହାୟତାର ହାତ ବଢ଼ାଇଥିବା ଦେଖା ଯାଇଛି । ପଞ୍ଜାବରେ ଜୈମଲଙ୍କ ପରିବାର ଲୋକେ ରହୁଥିବା ବେଳେ ସୋନୁ ସେମାନଙ୍କୁ ଭେଟିବା ପାଇଁ ସେଠାରେ ପହଞ୍ଚିଥିଲେ । ପରିବାର ଲୋକଙ୍କୁ ଭେଟିବା ପରେ ସେ ଜୈମଲଙ୍କ ପୁଅର ସମସ୍ତ ପଢ଼ା ଖର୍ଚ୍ଚ ଉଠାଇବେ ବୋଲି କଥା ଦେଇଥିବା ଜଣା ପଡ଼ିଛି । ଏହା ସହ ସେ ଜୈମଲଙ୍କ ଗାଁରେ ରହୁଥିବା ଗରିବ ଲୋକଙ୍କୁ ପ୍ରାୟ ୨୦୦ଟି ସାଇକେଲ ଦାନ କରିଥିବା ସାମ୍ନାକୁ ଆସିଛି । ସୋନୁ ନିଜ ଇନ୍ଷ୍ଟା ଆକାଉଣ୍ଟରେ ଜୈମଲଙ୍କ ପରିବାର ସହ ଉଠାଇଥିବା ଫଟୋକୁ ସେୟାର କରିବା ପରେ ଖବରଟି ସାମ୍ନାକୁ ଆସିଥିଲା ।
Kindly support. ??. Jaswant Singh ( father of Jaimal Singh )
State bank of india
Kot Isekhan
Main Amritsar Road
Savings bank account
Ac no: 32748187479
Branch code:11909
IFSC: SBIN0011909 pic.twitter.com/tYVnMHjT9H— sonu sood (@SonuSood) March 17, 2019
ଫଟୋ ସେୟାର କରି, “ପୁଲଓ୍ଵାମା ଆକ୍ରମଣରେ ସହିଦ୍ ହୋଇଥିବା ଜୈମଲ ସିଂହଙ୍କ ପରିବାର ପଞ୍ଜାବରେ ରହନ୍ତି । ବିବାହର ୧୬ବର୍ଷ ପରେ ଜୈମଲ ଜନ୍ମ ନେଇଥିବା ବେଳେ ଆଜି ସେ ଦେଶ ପାଇଁ ନିଜ ମାତା-ପିତାଙ୍କୁ ଛାଡ଼ି ଚାଲି ଯାଇଛନ୍ତି । ଦୟାକରି ତାଙ୍କ ପରିବାରକୁ ସାହାଯ୍ୟ କରିବା ପାଇଁ ଆଗକୁ ଆସନ୍ତୁ” ବୋଲି ଲେଖିଥିଲେ ସୋନୁ ।
