ଅଭିନେତ୍ରୀ ସୁଜାତା କୁମାରଙ୍କ ନିଧନ, ଏହି ଫିଲ୍ମରେ ଶ୍ରୀଦେବୀଙ୍କ ସହିତ ଆସିଥିଲେ ନଜର ।
ବଲିଉଡ ଅଭିନେତ୍ରୀ ସୁଜାତା କୁମାରଙ୍କ ନିଧନ ହୋଇଯାଇଛି । ସୁଜାତା ଲମ୍ବା ସମୟରୁ ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ । ସୁଜାତାଙ୍କ ଭଉଣୀ ସୁଚିତ୍ରା କୃଷ୍ଣମୂର୍ତ୍ତି ଟ୍ୱିଟ କରି ଏହି ବିଷୟରେ ସୂଚନା ଦେଇଛନ୍ତି । ରବିବାର ବିଳମ୍ବିତ ରାତିରେ ଟ୍ୱିଟ କରି ସେ କହିଥିଲେ, ୧୯ ଅଗଷ୍ଟ ୨୦୧୮ ରାତି ୧୧.୨୬ରେ ସୁଜାତା ଦୁନିଆକୁ ଅଲବିଦା କହିଛନ୍ତି ।
ସୂଚନା ଅନୁସାରେ ସୁଜାତା metastatic କ୍ୟାନସରରେ ପୀଡିତ ଥିଲେ ଏବଂ ମୁମ୍ବାଇର ଲିଲାବତୀ ହସ୍ପିଟାଲରେ ଚିକିତ୍ସିତ ହେଉଥିଲେ । ତାଙ୍କର କ୍ୟାନସର ୪ର୍ଥ ପର୍ଯ୍ୟାୟରେ ପହଁଚିଯାଇଥିଲା । ସୁଜାତାଙ୍କର ଅନେକ ଅରଗାନ ଫେଲ ମଧ୍ୟ ହୋଇଯାଇଥିଲା ।
Our beloved Sujata Kumar has passed away and moved on to a better place leaving us with an umimaginable void. She left us an hour ago at 11.26 pm on the 19th of august 2018..Life can never be the same again …
— Suchitra Krishnamoorthi (@suchitrak) August 19, 2018
ସୁଚିତ୍ରା ଏହା ମଧ୍ୟ ଟ୍ୱିଟ କରି ଲେଖିଥିଲେ ଯେ ଲାଇଫ ପୂର୍ବ ଭଳି ଆଉ ହୋଇପାରିବ ନାହିଁ । ୨୦ ଅଗଷ୍ଟ ସକାଳ ୧୧ ସମୟରେ ଜୁହୁର ବିଲେ ପାର୍ଲେ ସ୍ଥିତ ଶ୍ମଶାନ ଘାଟରେ ତାଙ୍କୁ ଅନ୍ତିମ ବିଦାୟ ଦିଆଯିବ । କିନ୍ତୁ ପରେ ସେ ଏହି ଟ୍ୱିଟକୁ ଡିଲିଟ କରିଦେଇଥିଲେ ।
My darling sister Sujata Kumar and Sri -both looking gorgeous in a still from English Vinglish in 2012 pic.twitter.com/KOObrCIYWg
— Suchitra Krishnamoorthi (@suchitrak) August 18, 2018
କହିରଖୁଛୁ ଯେ, ସୁଜାତା ଫିଲ୍ମ ‘ଇଂଲିସ ଭିଂଲିସ’ରେ ଶ୍ରୀଦେବୀଙ୍କ ଭଉଣୀ ଭୂମିକାରେ ନଜର ଆସିଥିଲେ । ଫିଲ୍ମରେ ତାଙ୍କ ଅଭିନୟକୁ ଲୋକେ ଖୁବ ପସନ୍ଦ କରିଥିଲେ । ଏହା ପରେ ତାଙ୍କ ପାଖକୁ ଅନେକ ଭଲ ପ୍ରୋଜେକ୍ଟ ଆସିଥିଲା । ସେ ‘ରାଞ୍ଝଣା’, ‘ଗୋରି ତେରେ ପ୍ୟାର ମେଁ’ ପରି ଫିଲ୍ମରେ ମଧ୍ୟ କାମ କରିଛନ୍ତି । ଏବା ବ୍ୟତିତ ସେ ଅନେକ ଟିଭି ଶୋରେ ମଧ୍ୟ ନଜର ଆସିଛନ୍ତି ।
