ଚହଳ ସୃଷ୍ଟି କରିଛି ଷ୍ଟାଣ୍ଡ ଅପ କମେଡିଆନ୍ କପିଲ୍ ଶର୍ମା ଓ ସୁନୀଲ ଗ୍ରୋବରଙ୍କ ଝଗଡା !
ପୁଣିଥରେ ପରଦାରେ ଚହଳ ସୃଷ୍ଟି କରିଛି ଷ୍ଟାଣ୍ଡ ଅପ କମେଡିଆନ୍ କପିଲ୍ ଶର୍ମା ଓ ସୁନୀଲ ଗ୍ରୋବର୍ଙ୍କ ଝଗଡା । ସୋସିଆଲ୍ ମିଡିଆରେ ଦେଖିବାକୁ ମିଳିଛି ଆରୋପ – ପ୍ରତ୍ୟାରୋପର ମାମଲା । କାରଣ କପିଲ୍ ଶର୍ମା ନିଜର କମେଡି ଶୋ ଫ୍ୟାମିଲି ଟାଇମ୍ ୱିଥ କପିଲ୍ ସହ ଛୋଟପରଦାକୁ ଫେରିଛନ୍ତି ।
ଆଉ ଏହି ଶୋରେ ତାଙ୍କ ପୂର୍ବ ଶୋ’ର କୋ-ଷ୍ଟାର୍ ମାନଙ୍କୁ ବି ଦେଖିବାକୁ ମିଳିବ । ହେଲେ ଏଥର ସୁନୀଲ୍ ଗ୍ରୋବର୍ଙ୍କୁ ଦେଖିବାକୁ ମିଳିବନି କପିଲଙ୍କ କାର୍ଯ୍ୟକ୍ରମରେ । କପିଲଙ୍କ ପୂର୍ବ ଶୋରେ ସୁନୀଲ୍ ଗ୍ରୋବରଙ୍କୁ ପ୍ରମୁଖ କମେଡିଆନ୍ ଡକ୍ଟର୍ ଗୁଲାଟି ଓ ରିଙ୍କୁ ଭାବି ଚରିତ୍ରରେ ଦେଖିବାକୁ ମିଳୁଥିଲା । ସୁନୀଲ୍ଙ୍କ ଏହି ସବୁ ଚରିତ୍ର ଅଡିଏନ୍ସଙ୍କୁ କରିଥିଲା ଢେର୍ ଏଂଟରଟେନ୍ । ମାତ୍ର ଫ୍ଲାଇଟ୍ ହୋଇଥିବା ଦୁହିଁଙ୍କ ଭୟଙ୍କର ଝଗଡା ପରେ କପିଲ୍ ଶର୍ମା ଶୋକୁ ଅଲବିଦା କହିଥିଲେ ସୁନୀଲ୍ । ଏହାସହ କପୀଲ୍ଙ୍କ ସହ ଆଉ କେବେ ବି କାମ ନକରିବା ପାଇଁ ଶପଥ ମଧ୍ୟ ନେଇଥିଲେ ସୁନୀଲ୍ । ତେବେ ନିକଟରେ ସୁନୀଲ୍ ଟ୍ୱିଟ୍ କରି କପିଲଙ୍କ ନୂଆ ଶୋ ବିଷୟରେ ରଖିଛନ୍ତି ନିଜ ବୟାନ । ଯେଉଁଥିରେ ସୁନୀଲ୍ ଲେଖିଛନ୍ତି କପିଲଙ୍କ ଶୋ ପାଇଁ ଅଫର୍ ଆସିବ ବୋଲି ମୁଁ ଅପେକ୍ଷା କରିଥିଲେ । ହେଲେ ମତେ କିଛି ବି କଲ୍ ଆଶିନି । ମୋ ଫୋନ୍ ନମ୍ବର୍ ଚେଂଜ୍ ହୋଇନି । ମତେ କିନ୍ତୁ ଅଫର୍ ଆସିଲାନି । ସେଥିପାଇଁ ମୁଁ ଆଉ ଏକ କାର୍ଯ୍ୟକ୍ରମ ପାଇଁ ସାଇନ୍ କରି ଦେଇଛି ।
Bhai aap jaise kuch aur log bhi mujhse same poochte hain. Lekin mujhe iss show ke liye KOI call nahin aaya. Mera phone number bhi same hai.
Intezar kar Ke ab maine kuch aur sign kar liya kal. Aap logon ki duaon se ek achhe project Ke sath juda hoon. Jaldi aapke samne Aata hoon? https://t.co/t6n04SxtMK— Sunil Grover (@WhoSunilGrover) March 16, 2018
ତେବେ ମିଳିଥିବା ଖବର ଅନୁସାରେ କପିଲ୍ ଶର୍ମାଙ୍କ ନୂଆ କାର୍ଯ୍ୟକ୍ରମର ପାର୍ଟ ହେବା ପାଇଁ ସୁନୀଲଙ୍କ ଇଚ୍ଛା ଥିଲା । ମାତ୍ର ଏଥିରେ ଥିଲା ତାଙ୍କର ଏକ ସର୍ତ । ଯେ, ଶୋର ନାମ ଫ୍ୟାମିଲି ଟାଇମ୍ ୱିଦ କପିଲ୍ ଓ ସୁନୀଲ୍ ରହିବ । ହେଲେ ଏହି ସର୍ତରେ ରାଜି ହୋଇ ନଥିଲେ କପିଲ୍ । ତେବେ କପିଲ୍ ସୁନୀଲଙ୍କୁ ପ୍ରସ୍ତାବରେ ପ୍ରସ୍ତୁତ ନଥିବାବେଳେ, ସୁନୀଲ୍ ନିଜକୁ କପିଲଙ୍କ ସହ ଇକ୍ୱାଲ୍ ଟାଲେଂଟେଡ୍ ବୋଲି ଭାବିଥାନ୍ତି ।
ଯାହା ପାଇଁ ସେ ଏଭଳି ସର୍ତ ରଖିଥିଲେ । ତେବେ ତାଙ୍କୁ ଅଫର୍ ନ ଆସିବାରୁ ସେ ଅନ୍ୟ ଏକ ଶୋ ପାଇଁ ସାଇନ୍ କରିଛନ୍ତି । ତେବେ କପିଲଙ୍କ କହିବା କଥା, ସେଦିନ ଫ୍ଲାଇଟରେ ହୋଇଥିବା ଝଗଡା ଲ୍ୟାଣ୍ଡିଂ ପୂର୍ବରୁ ହିଁ ସମାଧାନ ହୋଇ ଯାଇଥିଲା । ମାତ୍ର ପରେ ସୁନୀଲ୍ କଥାକୁ ବଢାଇଥିଲେ । ଏବଂ ଶୋରୁ ଓହାରି ଯାଇଥିଲେ । ଯାହା ପରେ କପିଲ୍ ଅନେକ ଚେଷ୍ଟା କରିଥିଲେ ସୁନୀଲଙ୍କୁ ବୁଝାଇବା ପାଇଁ ମାତ୍ର ସୁନୀଲ୍ ରାଜି ହୋଇ ନଥିଲେ । ଏବେ ସୁନୀଲଙ୍କ ସହ ଏକାଠି ଶୋ କରିବା ପାଇଁ ପ୍ରସ୍ତୁତ ନାହାଁନ୍ତି କପିଲ୍ । ଦେଖାଯାଉ ଏହି ଦୁଇ ଜଣଙ୍କ ଫାଇଟ୍ ଆଗକୁ କେଉଁ ମୋଡ ନେଉଛି ।
