ଥିଏଟରରେ ନୁହେଁ ନେଟଫ୍ଲିକ୍ସରେ ରିଲିଜ ହେବ ସୁଶାନ୍ତ- ଜ୍ୟାକଲିନଙ୍କ ଫିଲ୍ମ ‘ଡ୍ରାଇଭ’
ସୁଶାନ୍ତ ସିଂ ରାଜପୁତ ଏବଂ ଜ୍ୟାକଲିନ ଫର୍ଣ୍ଣାଡିଜଙ୍କ ଆଗାମୀ ଫିଲ୍ମ ଡ୍ରାଇଭ କିଛି ଦିନରୁ ଚର୍ଚ୍ଚାରେ ରହିଛି । ନିକଟରେ ଫିଲ୍ମକୁ ନେଇ ଏକ ବଡ ଘୋଷଣା କରାଯାଇଛି । ଏବେ ଏହି ଫିଲ୍ମ ସିନେମାଘରେ ରିଲିଜ ହେବା ବଦଳରେ ଭିଡିଓ ଷ୍ଟ୍ରିମିଂ ଆପ ନେଟଫ୍ଲିକ୍ସରେ ରିଲିଜ ହେବ ।
ତରୁଣ ମନସୁଖାନୀଙ୍କ ନିର୍ଦ୍ଦେଶନା ଏବଂ ଧର୍ମା ପ୍ରଡକ୍ସନ୍ସ ବ୍ୟାନରରେ ନିର୍ମିତ ଏହି ଫିଲ୍ମ ନେଟଫ୍ଲିକ୍ସର ପ୍ରଥମ ଅରିଜିନାଲ ଫିଲ୍ମ ହେବ । ଅର୍ଥାତ ଯେଉଁମାନେ କେବଳ ନେଟଫ୍ଲିକ୍ସ ସବସ୍କ୍ରାଇବ ନେଇଥିବେ ସେମାନେ କେବଳ ଫିଲ୍ମ ଦେଖିପାରିବେ । ଏହାର ସୂଚନା କରଣ ଜୋହର ନିଜ ଟ୍ୱିଟର ଆକାଉଣ୍ଟରେ ଦେଇଛନ୍ତି ।
Shifting into high gear with #Drive! Coming onto your #Netflix screens soon.@apoorvamehta18 @itsSSR @Asli_Jacqueline @Tarunmansukhani @DharmaMovies @NetflixIndia pic.twitter.com/XjNj3ZQJSw
— Karan Johar (@karanjohar) September 20, 2019
ଏହାକୁ ନେଇ ନେଟଫ୍ଲିକ୍ସ ଇଣ୍ଡିଆର ନିର୍ଦ୍ଦେଶକ ସୃଷ୍ଟି ବହଲ କହିଛନ୍ତି, ‘ଆମେ ଚାହୁଁ ନେଟଫ୍ଲିକ୍ସରେ ଦେଶ ଦୁନିଆର ସମସ୍ତ ଜନରର ଫିଲ୍ମକୁ ଏକା ସହିତ ଆଣିବାକୁ ଚାହୁଁଛୁ । ଏହା ସହିତ ଆମେ ଧର୍ମା ପ୍ରଡକ୍ସନ ସହିତ ପ୍ରଥମ ଫିଲ୍ମକୁ ନେଇ ଖୁବ ଉତ୍ସାହିତ ଅଛୁ ।’
