ବଦଳିଲା ସୁଶାନ୍ତ ସିଂଙ୍କ ଫିଲ୍ମ ‘କିଜ୍ଜୀ ଔର ମ୍ୟାନୀ’ର ନାମ, ଏବେ ଏହା ରହିବ ଟାଇଟଲ
ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆଗାମୀ ଫିଲ୍ମ ‘କିଜ୍ଜୀ ଔର ମ୍ୟାନୀ’କୁ ନେଇ ଏକ ଖବର ସାମ୍ନାକୁ ଆସିଛି । ଖବର ଅନୁସାରେ ଫିଲ୍ମ ମେକରର୍ସ ଏବେ ଫିଲ୍ମର ନାମକୁ ପରିବର୍ତ୍ତନ କରି ‘ଦିଲ ବେଚାରା’ ରଖିଛନ୍ତି । ଫିଲ୍ମର ଫାଷ୍ଟ ଲୁକ ସେୟାର କରି ମେକର୍ସ ଏହି ବିଷୟରେ ଘୋଷଣା କରିଥିଲେ । ଫିଲ୍ମରେ ସୁଶାନ୍ତ ରାଜପୁତଙ୍କ ଅପୋଜିଟରେ ସଂଜନା ସାନ୍ଧୀ ନଜର ଆସିବେ ।
Dil ki baatein dil hi jaane! #KizieAurManny is now #DilBechara.@itsSSR @sanjanasanghi96 @CastingChhabra pic.twitter.com/HaxaE8PlfL
— Fox Star Hindi (@foxstarhindi) February 8, 2019
କହିରଖୁଛୁ ଯେ, ଏହି ଫିଲ୍ମ ଆମେରିକୀୟ ରୋମାଣ୍ଟିକ ଡ୍ରାମା ଫିଲ୍ମ ‘ଦ ଫଲ୍ଟ ଇନ ଆୱର ଷ୍ଟାରର୍ସ’ର ହିନ୍ଦୀ ରିମେକ କିନ୍ତୁ ଫିଲ୍ମରେ ଏକ ବଡ ଟ୍ୱିଷ୍ଟ ମଧ୍ୟ ରହିଛି । ଏହି ଫିଲ୍ମର ନିର୍ଦ୍ଦେଶନା ଭାର ତୁଲାଉଛନ୍ତି ମୁକେଶ ଛାବଡା । ଫିଲ୍ମର ଫାଷ୍ଟ ଲୁକ ପରେ ମେକର୍ସ ଖୁବ ଶୀଘ୍ର ଏହାର ରିଲିଜ ଡେଟର ମଧ୍ୟ ଘୋଷଣା କରିବେ ବୋଲି ଆଶା କରାଯାଉଛି ।
କହିରଖୁଛୁ ଯେ, ଫିଲ୍ମର ଆରମ୍ଭନରୁ ଫିଲ୍ମକୁ ନେଇ ବିବାଦ ଦେଖାଦେଇଥିଲା । ରିପୋର୍ଟ ଅନୁସାରେ ସୁଶାନ୍ତଙ୍କ ଏକ୍ସଟ୍ରା ଫ୍ରେଣ୍ଡଲୀ ସ୍ୱଭାବ ସଂଜନାଙ୍କୁ ପସନ୍ଦ ଆସିନଥିଲା ଏବଂ ସେ ଅଧାରୁ ହିଁ ଫିଲ୍ମ ଛାଡି ଦେଇଥିଲେ । କିନ୍ତୁ ସୁଶାନ୍ତ ଏହି ଖବରକୁ ଖଣ୍ଡନ କରିଥିଲେ ।
