ଏଟିଏମ ଫ୍ରଡର ଶିକାର ହେଲେ ଏହି ଟିଭି ଅଭିନେତା, ମୁମ୍ବାଇ ପୋଲିସରେ କଲେ ଅଭିଯୋଗ
ଅନଲାଇନ ପେମେଣ୍ଟ ଦ୍ୱାରା ଜବନ ସହଜ ହୋଇଯାଇଛି ସତ କିନ୍ତୁ ଟେକ୍ନୋଲୋଜିର ଏହି ଦୁନିଆରେ ଠକାମୀ ମଧ୍ୟ ଖୁବ ବଢି ଯାଇଛି । ଏହି ଲିଷ୍ଟରେ ଏବେ ଧାରାବାହିକ ସ୍ୱରାଗିନୀ ଫେମ ଅଭିନେତା ନମିଶ ତନେଜାଙ୍କ ନାମ ସାମିଲ ହୋଇଛି । ଏହି ଟିଭି ଅଭିନେତା ଏଟିଏମ ଫ୍ରଡର ଶିକାର ହୋଇଛନ୍ତି ଏବଂ ତାଙ୍କ ଆକାଉଣ୍ଟର ୫୦ ହଜାର ଟଙ୍କା ଉଠାଯାଇଛି । ଏହା ବିଷୟରେ ଜାଣିବା ପରେ ନମିଶ ତୁରନ୍ତ ଅମ୍ବୋଲୀ ପୋଲିସ ଷ୍ଟେସନରେ ଅଭିଯୋଗ ରୁଜୁ କରିଛନ୍ତି ।
ନମିଶଙ୍କ କହିବା ଅନୁସାରେ ତାଙ୍କ ଆକାଉଣ୍ଟରୁ ୧୦- ୧୦ ହଜାର ବାହାର କରାଯାଇଥିବାର ୫ଟି ମେସେଜ ଆସିଥିଲା । ସେହି ସମୟରେ ସେ ଫିଲ୍ମ ଦେଖିବା ପାଇଁ ଯାଇଥିଲେ । ଏହା ସହିତ ସେହି ସମୟରେ ଅଜଣା ନମ୍ବରରୁ ଅନେକ କଲ ମଧ୍ୟ ଆସିଥିଲା । ନମିଶ ସେହି ନମ୍ବରକୁ ପରେ କଲବ୍ୟାକ କରିବା ପରେ ବ୍ୟାଙ୍କ ଅଧିକାରୀ ତାଙ୍କୁ ଡେବିଟ କାର୍ଡ ବ୍ଲକ କରିବା ପାଇଁ ସୂଚନା ଦେଇଥିଲେ କାରଣ ତାଙ୍କ ଆକାଉଣ୍ଟ ଫ୍ରଡର ଶିକାର ହୋଇଥିଲା । ଏହା ପରେ ସେ ଜାଣି ଆଶ୍ୱସ୍ଥି ପାଇଥିଲେ ଯେ ବ୍ୟାଙ୍କର ଦାୟିତ୍ୱଦୀନ ପାଇଁ ଏହା ହୋଇଥିଲା ଏବଂ ଏହି ଟଙ୍କା ବ୍ୟାଙ୍କକୁ ଭରିବାକୁ ପଡିବ ।
କହିରଖୁଛୁ ଯେ, ନିମଶ ଛୋଟ ପରଦାର ଜଣେ ଜଣା ଶୁଣା ଅଭିନେତା । ସେ ‘ମେଁ ମାଇକେ ଚଲି ଜାଉଙ୍ଗି ତୁମ ଦେଖତେ ରହିୟୋ’, ‘ଇକ୍ୟାବନ’ ଏବଂ ‘ପ୍ୟାର ତୁନେ କ୍ୟା କିଆ’ ଭଳି ସିରିଏଲରେ କାମ କରିଛନ୍ତି । ଏବେ ନମିଶଙ୍କ ନୂଆ ଶୋ’ ‘ବିଦ୍ୟା’ ଖୁବ ଶୀଘ୍ର ଅନ ଏୟାର ହେବାକୁ ଯାଉଛି । ନମିଶଙ୍କୁ ଧାରାବାହିକ ‘ସ୍ୱରାଗିନୀ’ରୁ ପରିଚୟ ମିଳିଥିଲା ।
