ମହାନାୟକ ଅମିତାଭ ବଚ୍ଚନ ଏବଂ ସାଉଥ ମେଗାଷ୍ଟାର ଚିରଞ୍ଜୀବିଙ୍କ ଆଗାମୀ ଫିଲ୍ମ ‘ସୈରା ନରସିହ୍ମ ରେଡ୍ଡୀ’ର ପ୍ରଥମ ଟ୍ରେଲର ପରେ ଏବେ ଫିଲ୍ମର ଦ୍ୱିତୀୟ ଟ୍ରେଲର ମେକର୍ସ ରିଲିଜ କରିଛନ୍ତି । ଫିଲ୍ମର ପ୍ରଥମ ଟ୍ରେଲର ଆସିବା ପରଠାରୁ ହିଁ ଫିଲ୍ମକୁ ନେଇ ଦର୍ଶକଙ୍କ କ୍ରେଜ ବଢିବାରେ ଲାଗିଛି । ଫିଲ୍ମକୁ ଦର୍ଶକ ଉତ୍ସାହର ସହିତ ଅପେକ୍ଷା କରି ରହିଥିବା ବେଳେ ଏବେ ଏହି ଫିଲ୍ମର ଦ୍ୱିତୀୟ ଟ୍ରେଲର ରିଲିଜ ହୋଇଛି । ଦ୍ୱିତୀୟ ଟ୍ରେଲର ଏତେ ଜବରଦସ୍ତ ହୋଇଛି ଯେ ପ୍ରତ୍ୟେକ ବ୍ୟକ୍ତି ଦେଖିବା ପରେ ଦେଶ ଭକ୍ତିରେ ମଗ୍ନ ହୋଇଯିବେ ।
ଏହି ଟ୍ରେଲରକୁ ମଧ୍ୟ ପୂର୍ବ ଟ୍ରେଲର ପରି ୫ଟି ଭାଷାରେ ରିଲିଜ କରାଯାଇଛି । ୟୁଟ୍ୟୁବରେ ଆପଣ ହିନ୍ଦୀ, ତେଲଗୁ, ତାମିଲ, ମଲାୟାଲମ ଏବଂ କନ୍ନଡ ଭାଷାରେ ଦେଖିପାରିବେ । ଫିଲ୍ମର କାହାଣୀ ଉୟାଲାବାଦ ନରସିହ୍ମା ରେଡ୍ଡୀଙ୍କ କାହାଣୀ ଉପରେ ଆଧାରିତ । ସେ ଇଂଗ୍ରେଜ ମାନଙ୍କ ବିରୋଧରେ ପ୍ରଥମେ ଯୁଦ୍ଧ ଆରମ୍ଭ କରିଥିଲେ । ଏହି ଫିଲ୍ମରେ ଅମିତାଭ ବଚ୍ଚନ ନରସିହ୍ନା ରେଡ୍ଡୀଙ୍କ ଗୁରୁ ଭୂମିକାରେ ନଜର ଆସିବେ । ଫିଲ୍ମ ୨ ଅକ୍ଟୋବରରେ ପରଦାକୁ ଆସିବ ।