ମହିଳାଙ୍କୁ ହାର୍ଟ ଆଟାକ ଆସିବା ପୂର୍ବରୁ ଦେଖାଯାଇଥାଏ ଏହିସବୁ ଲକ୍ଷଣ ।
ଆପଣ ଅଧିକାଂଶ ଲୋକଙ୍କ ସଂପର୍କରେ ଶୁଣିଥିବେ ଯେଉଁମାନଙ୍କର ମୃତ୍ୟୁ ହାର୍ଟଆଟାକ୍ ଜନିତ କାରଣରୁ ଘଟିଛି । ଏହି ରୋଗ ଏଭଳି ନୁହେଁ ଯେ, କାହାକୁ ବି ହଠାତ୍ ହୋଇଯିବ । ହାର୍ଟ ଆଟାକ ଆସିବାର ଲକ୍ଷଣ ଶରୀରରେ ବହୁତ ପୂର୍ବରୁ ହିଁ ନଜର ଆସିଥାଏ ।ମହିଳାଙ୍କୁ ହାର୍ଟ ଆଟାକ୍ ହେଲେ ତାହାର କେତୋଟି ବିଶେଷ ଲକ୍ଷଣ ଦେଖାଦେଇଥାଏ। ସେ ବିଷୟରେ ଜାଣନ୍ତୁ କିଛି କଥା…
- ଅଧିକ ସମୟ ବିଶ୍ରାମ ନେବା ସତ୍ତ୍ୱେ ଯଦି ଆପଣଙ୍କୁ ଥକା ଲାଗୁଥାଏ, କୌଣସି କାମରେ ମନ ଲାଗୁ ନ ଥାଏ, ମନରେ ବାରମ୍ବାର ଭୟ ଜାତ ହେଉଥାଏ, ଏବଂ ଏସବୁ ଲକ୍ଷଣ ଯଦି ଜଣେ ମହିଳାଙ୍କଠାରେ ଦେଖାଦିଏ, ତେବେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ।
- ଛାତିରେ ଯନ୍ତ୍ରଣା ଅନୁଭୂତ ହେଲେ ସତେ ଯେମିତି ଲାଗେ ଛାତିରେ କ’ଣ ଲଦା ହୋଇଛି। ଏଭଳିି ଲକ୍ଷଣ ଦେଖାଦେଲେ ତାହା ହାର୍ଟ ଆଟାକ୍ର ଲକ୍ଷଣ ବୋଲି ଧରି ନେବାକୁ ହୋଇଥାଏ।
- ଯଦି ପେଟରେ ଯନ୍ତ୍ରଣା ଅନୁଭୂତ ହେଉଛି କିମ୍ବା ଘନଘନ ଝାଳ ନିର୍ଗତ ହେଉଛି ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ।
- ଯଦି କେବେ ଆପଣଙ୍କୁ ନିଃଶ୍ୱାସ ନେବାରେ କଷ୍ଟ ଅନୁଭୂତ ହୁଏ, ତେବେ ଡାକ୍ତରଙ୍କ ପରାମର୍ଶ ନେଇପାରିବେ।
- ପିଠି ଯନ୍ତ୍ରଣା ଅନୁଭବ କରିବା, ହାତ ଏବଂ ଗଣ୍ଠିଗୁଡିକ ଟାଣି ହେବା ପରି ଲାଗିବା ମଧ୍ୟ ହାର୍ଟ ଆଟାକ୍ର ଲକ୍ଷଣ। ଏହିସବୁ ବିଷୟରେ ଜାଣିସାରିବା ପରେ ଆପଣ ସତର୍କ ରହିବା ସହ ହୃଦ୍ରୋଗ ବିଶେଷଜ୍ଞଙ୍କ ସହ ପରାମର୍ଶ କରନ୍ତୁ।