ହିନ୍ଦୀ ଫିଲ୍ମ ଉଦ୍ୟୋଗ ଏବଂ ସାଉଥ ସିନେମା ଦୁଇଟିରେ କାମ କରି ସାରିଥିବା ଅଭିନେତ୍ରୀ ତମନ୍ନା ଭାଟିୟାଙ୍କୁ ଜି ଅପସରା ଆୱାର୍ଡ଼ସରେ ଶ୍ରୀଦେବୀ ପୁରସ୍କାରରେ ସମ୍ମାନିତ କରାଯାଇଛି । ତମନ୍ନାଙ୍କୁ ଏହି ପୁରସ୍କାର ଦେବା ପାଇଁ ଶୃତି ହାସନ ଆସିଥିଲେ ।
ଶ୍ରୀଦେବୀ ପୁରସ୍କାର ପାଇବା ପରେ ତମନ୍ନା କହିଥିଲେଯେ ଶ୍ରୀଦେବୀ ସେହି ମାନଙ୍କ ମଧ୍ୟରୁ ଜଣେ ଯିଏ ହିନ୍ଦୀ ଇଣ୍ଡଷ୍ଟ୍ରିରେ ମୋର ପ୍ରେରଣା ଥିଲେ । ତାଙ୍କ ନାମରେ ରଖାଯାଇଥିବା ପୁରସ୍କାରକୁ ପାଇବା ମୋ ପାଇଁ ସୌଭାଗ୍ୟର କଥା । ମୁଁ ତାଙ୍କ ଭଳି ଖୁବ କମ ବୟସରେ କାମ ଆରମ୍ଭ କରିଥିଲି ଏବଂ ମୁଁ ବୁଝି ପାରୁଛିଯେ ଷ୍ଟାରଡମ ତିଆରି କରିବାରେ ଏକ ଲମ୍ବା ସମୟ ଲାଗିଯାଏ ।
ତମନ୍ନା ଇଂଷ୍ଟାଗ୍ରାମରେ ଆୱାର୍ଡ଼ ସହିତ ନିଜ ଫଟୋ ମଧ୍ୟ ସେୟାର କରିଛନ୍ତି । ସେ ଗର୍ବ ଅନୁଭବ କରୁଥିବା କଥା ମଧ୍ୟ କ୍ୟାପ୍ସନରେ ଲେଖିଛନ୍ତି । ତମନ୍ନା ଶ୍ରୀଦେବୀଙ୍କ ଅଭିନୀତ ହିମତୱାଲାର ରିମେକରେ ଅଭିନୟ କରିଥିଲେ ।
