ଦୁବାଇରେ ଧମାକା କଲେ ଏହି ତିନି ଓଡ଼ିଆ ଝିଅ…ରାଜ୍ୟ ପାଇଁ ଆଣିଲେ ଗୌରବ

ଏହା ପ୍ରଥମ ଥର ନୁହେଁ ଯେତେବେଳେ ଓଡ଼ିଶାର ପିଲାମାନେ ଦେଶ ବାହାରକୁ ଯାଇ ଦେଶକୁ ସମ୍ମାନିତ କରିବା ସହିତ ରାଜ୍ୟ ପାଇଁ ମଧ୍ୟ ଗୌରବ ଆଣିଛନ୍ତି । କାହାକୁ ଓଡ଼ିଶୀରେ ଦେଖିବାକୁ ମିଳିଛି ତ କାହାକୁ ବଲିଉଡ ଏବଂ ଆଉ କାହାକୁ ହଲିଉଡ ଫିଲ୍ମରେ । କେବଳ ସେତିକି ନୁହେଁ, ଏହା ମଧ୍ୟରେ ବାଲୁକା ଶିଳ୍ପୀ,ବୈଜ୍ଞାନିକ ଏବଂ ଡାକ୍ତର ମାନେ ମଧ୍ୟ ସାମିଲ ଅଛନ୍ତି । ସେ ଯାହା ହେଉ ପୁଣିଥରେ ସେହିଭଳି ଏକ ଦୃଶ୍ୟ ସାମ୍ନାକୁ ଆସିଛି ।

ବାସ୍ତବରେ ନିକଟ ଅତୀତରେ ଦୁବାଇରେ ଆୟୋଜିତ ହୋଇଥିଲା ଜୁନିଅର ମଡେଲ ଇଂଟରନେସନାଲ ବିୟୁଟି କଂଟେଷ୍ଟ । ଯେଉଁଥିରେ ସାମିଲ ଥିଲେ ତିନି ଜଣ ଓଡ଼ିଆ ଝିଅ । ଆଜ୍ଞା ହଁ କେବଳ ସାମିଲ ନଥିଲେ ବରଂ ଟାଇଟଲକୁ ମଧ୍ୟ ଜିତିଛନ୍ତି ।

୧୩ରୁ ୧୬ ବର୍ଷ ବୟସ୍କ ମଧ୍ୟରେ ଟାଇଟଲ ଜିତିଛନ୍ତି ଲାବଣ୍ୟା ଦାଶ । ୟୁନିଟ ୮ ଡିଏଭି ପବ୍ଲିକ ସ୍କୁଲର ଚତୁର୍ଥ ଶ୍ରେଣୀର ଛାତ୍ରୀ ଶ୍ରୀବାଲି ଦାଶ ପ୍ରଥମ ରନର୍ସ ଅପ ହୋଇଛନ୍ତି । ଏହା ସହିତ କେ.ଆର ସନ୍ତୋଷିନୀ ଜୁନିଅର ସ୍ତରରେ ଦ୍ୱିତୀୟ ରନର୍ସ ଅପ ହୋଇଛନ୍ତି । କହିରଖୁଛୁ ଏହି କାର୍ଯ୍ୟକ୍ରମ ୧୪ରୁ ୧୯ ଅକ୍ଟୋବର ମଧ୍ୟରେ ଆୟୋଜନ ହୋଇଥିଲା ।