ଖୁବ ଶୀଘ୍ର ପରଦାକୁୂ ଆସୁଛି ଓଡିଆ ଚଳଚ୍ଚିତ୍ର ‘ଶକ୍ତି’
ନୂଆ ଓଡିଆ ଚଳଚ୍ଚିତ୍ର ‘ଶକ୍ତି- ଦ ଲାୟନ ହାର୍ଟ’ ଖୁବ ଶୀଘ୍ର ପରଦାକୁ ଆସୁଛି । ସ୍ନେହଲତା ଫିଲ୍ମ କ୍ରାଫ୍ଟସର ଏହା ପ୍ରଥମ ଅବଦାନ । ରୋନକ ସାହୁ ଏବଂ ମିନତି ସାହୁଙ୍କ ପ୍ରଯୋଜନାରେ ନିର୍ମିତ ଏହି ଫିଲ୍ମରେ ନିର୍ଦ୍ଦେଶକ ଅଛନ୍ତି ସୁଧାକର ବସନ୍ତ ।
ଆକ୍ସନ ଓ ରୋମାନ୍ସରେ ଭରପୁର ଏହି ଫିଲ୍ମରେ ନବାଗତ କରଣ ସହିତ ସୂର୍ଯ୍ୟମୟୀ ନଜର ଆସିବେ । କହାଯାଉଛି କରଣ ଏହି ଫିଲ୍ମରେ କମାଲ କରିଛନ୍ତି । କଟକ, ଭୁବନେଶ୍ୱର, ବିଶାଖାପାଟଣା ଓ ଗୋଆରେ ଏହି ଫିଲ୍ମର ସୁଟିଂ କରାଯାଇଛି ।
କରଣ ଏବଂ ସୂର୍ଯ୍ୟମୟୀଙ୍କ ବ୍ୟତିତ ଏହି ଫିଲ୍ମରେ ଉତ୍ତମ ମହାନ୍ତି, ମିହାର ଦାସ, ପପୁ ପମପମ, ଅପରାଜିତା, ପପି ସନ୍ତୁକା, ରାଜୀବ ମହାନ୍ତି, ବିଜୁ ବଡଜେନା, ମଧୁ, ପ୍ରତିଭା ପଣ୍ଡା ପ୍ରମୁଖ ନଜର ଆସିବେ ।
ଏହା ସହିତ ରଣଜିତ ପଟ୍ଟନାୟକଙ୍କ ସଂଳାପ ଓ ଅଭିଜିତ ମଜୁମଦାରଙ୍କ ସଙ୍ଗୀତ ଏହି ସିନେମାକୁ ଆକର୍ଷଣୀୟ କରିଛି ।