ବାସ୍ତୁ ଅନୁସାରେ ନିର୍ମାଣ କରନ୍ତୁ ବଗିଚା ।
ସୁନ୍ଦର ବଗିଚାଟିଏ କରିବା ପାଇଁ ସମସ୍ତଙ୍କ ମନରେ ଆଗ୍ରହ ଥାଏ । ଗବିଚା ମନକୁ ପ୍ରଫୁଲ୍ଲ କରିବା ସହିତ ଏବଂ ନୂଆ ଶକ୍ତି ଦେଇଥାଏ । ତେବେ କିଛି ଜରୁରୀ ବାସ୍ତୁ ଟିପ୍ସ ଅନୁସରଣ କରି ଆପଣ ଏକ ସୁନ୍ଦର ବଗିଚା ପ୍ରସ୍ତୁତ କରିପାରିବେ, ଯାହାର ସୁପ୍ରଭାବ ଘର ଉପରେ ମଧ୍ୟ ପଡିଥାଏ।
- ବାସ୍ତୁ ଅନୁସାରେ ଘରର ଉତ୍ତର କିମ୍ବା ପଶ୍ଚିମ ଦିଗରେ ବଗିଚା କରିବା ଶୁଭ ବୋଲି କୁହାଯାଏ। ବଗିଚାରେ ଯଦି ତୁଳସୀ ଗଛ ଲଗାଉଥାନ୍ତି ତେବେ ଏହାକୁ ଉତ୍ତର, ପୂର୍ବ ବା ଉତ୍ତର-ପୂର୍ବ ଦିଗରେ ଲଗାନ୍ତୁ।
- ବଗିଚାରେ ବର ବା ଓସ୍ତ ଗଛ ଲଗାଇବା ଆଦୌ ଉଚିତ ନୁହେଁ।
- ଘରର ମୁଖ୍ୟଦ୍ୱାର ସାମ୍ନାରେ କୌଣସି ଗଛ ଲଗାଇବା ଆଦୌ ଉଚିତ ନୁହେଁ। ଏହା ଦ୍ୱାରା ଘରେ ସକାରାତ୍ମକ ଉର୍ଜା ପ୍ରବେଶ କରିବାରେ ପ୍ରତିବନ୍ଧକ ସୃଷ୍ଟି ହୋଇଥାଏ ବୋଲି ବିଶ୍ୱାସ ରହିଛି।
- ଉଚ୍ଚ ଏବଂ ଘନ ଗଛଗୁଡିକୁ ଘରର ଦକ୍ଷିଣ ବା ପଶ୍ଚିମ ଦିଗରେ ଲଗାଇବା ଉଚିତ।
- ଛୋଟ ଏବଂ ଲତାଯୁକ୍ତ ଗଛଗୁଡିକୁ ଘରର ପୂର୍ବ ବା ଉତ୍ତର ଦିଗରେ ଲଗାନ୍ତୁ।
- ଶୁଭଫଳ ପ୍ରାପ୍ତି ପାଇଁ ଲତାଯୁକ୍ତ ଗଛଗୁଡିକୁ ଘରର ମୁଖ୍ୟଦ୍ୱାର ନିକଟରେ ଲଗାନ୍ତୁ। ଏହାକୁ କଦାପି ଘରର ପାଚେରିରେ ଲଗାନ୍ତୁ ନାହିଁ।
- କଣ୍ଟାଯୁକ୍ତ କାକ୍ଟସ୍ ଗଛକୁ କଦାପି ବଗିଚାରେ ଲଗାନ୍ତୁ ନାହିଁ। ଏହା ଦ୍ୱାରା ଘରେ ସର୍ବଦା ଅଶାନ୍ତି ଲାଗି ରହିଥାଏ।
- ଆମ୍ବ, କଦଳୀ ଏବଂ ପିଜୁଳି ଗଛକୁ ଘରଠାରୁ ଅନତି ଦୂରରେ ଲଗାନ୍ତୁ।
- ନଡ଼ିଆ ବା ଡାଳିମ୍ବ ଗଛ ବଗିଚାରେ ଲଗାଇବା ଶୁଭ ବୋଲି କୁହାଯାଏ।
- ଗୋଲାପ, ମଲ୍ଲୀ ଏବଂ ଚମ୍ପା ଫୁଲଗଛ ବଗିଚାରେ ଲଗାନ୍ତୁ। ଏହା ଶୋଭାବର୍ଦ୍ଧକ ହେବା ସହ ସୌଭାଗ୍ୟ ମଧ୍ୟ ପ୍ରଦାନ କରିଥାଏ।