ସ୍କୁଲର ପୁରୁଣା ଛାତ୍ରଙ୍କ ବନ୍ଧୁ ମିଳନ ଉତ୍ସବରେ ହେଲା ୭୦ବର୍ଷୀୟା ବୃଦ୍ଧା ଦେଖାଇଲେ ନୃତ୍ୟର ଜଲଓ୍ଵା , ଭିଡିଓ ଭାଇରାଲ !
ବିଭିନ୍ନ ସ୍କୁଲମାନଙ୍କରେ କିଛି ବର୍ଷ ବ୍ୟବଧାନରେ ବନ୍ଧୁ ମିଳନ ଉତ୍ସବ ରଖାଯାଇଥାଏ । ଏହି ଦିନ ସ୍କୁଲର ପୁରୁଣା ଛାତ୍ର-ଛାତ୍ରୀମାନେ ଏକାଠି ହୋଇ ନିଜର ପୁରୁଣା ଦିନକୁ ମନେ ପକାଇଥାନ୍ତି । କିଛି ସମୟ ପାଇଁ ପୁଣି ଥରେ ସେହି ପୁରୁଣା ଦିନକୁ ଫେରି ଯାଇ ସାଙ୍ଗମାନଙ୍କ ସହ ସମୟକୁ ଉପଭୋଗ କରନ୍ତି । ନିଜ ବନ୍ଧୁମାନଙ୍କ ସହ ଗୀତ ଗାଇ ନାଚିବା ସହ ସମୟ ବିତାଇଥାନ୍ତି । ତେବେ ମାଙ୍ଗାଲୁରୁର ଏକ ସ୍କୁଲରେ ବନ୍ଧୁ ମିଳନ ଉତ୍ସବ ରଖାଯାଇଥିବା ବେଳେ ସେ ସମୟର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ୭୦ବର୍ଷ ବୟସରେ ପାଦ ରଖି ମଧ୍ୟ ଜଣେ ବୃଦ୍ଧା ଯେଉଁଭଳି ଚମତ୍କାର ଭାବେ ନାଚିଛନ୍ତି, ତାହା ସମସ୍ତଙ୍କ ମନ କିଣି ନେଇଛି ।
Whatsapp forward: A school reunion in Mangalore – average age is 70 years ??? how joyful ???? let’s learn to be happy & positive from them ?? #YehRishteyHainPyaarKe #YRHPK @ShaheerBirdieFC pic.twitter.com/GLE5NWvkJ1
— Vijisridhar (@Vijisridhar96) August 18, 2019
ଭାଇରାଲ ଭିଡିଓରେ ଦେଖାଯାଇଛି କି, ହଠାତ୍ ରେମୋ ଫର୍ଣ୍ଣାଡିଜ୍ଙ୍କ ଲୋକପ୍ରିୟ ଗୀତ ୟା ୟା ମାୟା ବାଜିବା ଆରମ୍ଭ ହେଉଛି । ଗୀତ ଶୁଣି ନୀଳ ରଙ୍ଗର ଶାଢ଼ି ପିନ୍ଧିଥିବା ବୃଦ୍ଧା ଉଠି ଆସିବା ସହ କଥକ ନାଚିବା ଆରମ୍ଭ କରୁଛନ୍ତି । ଧିରେ ଧିରେ ବସିଥିବା ଅନେକ ମହିଳା ତାଙ୍କ ସହ ଆସି ନାଚିବା ଆରମ୍ଭ କରୁଛନ୍ତି । ଗୀତ ବଦଳିବା ପରେ ମହିଳାଜଣଙ୍କ ଅନ୍ୟ ମହିଳାଙ୍କୁ ଡ଼ାକି ନାଚିବାକୁ କହୁଥିବାର ଦେଖାଯାଇଛି । ଭିଡିଓରେ ବୃଦ୍ଧାଙ୍କ ନୃତ୍ୟ ଶୈଳୀ ସମସ୍ତଙ୍କୁ ପ୍ରଭାବିତ କରିଥିବା ବେଳେ ଲୋକେ ତାଙ୍କୁ ପ୍ରଶଂସା କରିବାରେ ଲାଗି ପଡ଼ିଛନ୍ତି ।
