ବଲିଉଡ ଅଭିନେତା ଇମରାନ ହାଶମୀ ଏବେ ନିଜର ବହୁ ପ୍ରତୀକ୍ଷିତ ସସପେନ୍ସ ଥ୍ରିଲର ଫିଲ୍ମ ‘ଦ ବଡି’ କୁ ନେଇ ବ୍ୟସ୍ତ ଅଛନ୍ତି । ଏହି ଫିଲ୍ମରେ ତାଙ୍କ ସହିତ ଲୋତପ୍ରିୟ ଅଭିନେତା ଋଷି କପୁର ମଧ୍ୟ ନଜର ଆସିବେ । ସୋମବାର ଫିଲ୍ମର ଗୀତ ‘ଝଲକ ଦିଖଲା ଜା’ର ଟିଜର ରିଲିଜ କରାଯାଇଛି । ରିଲିଜ ହେବା ପରେ ପରେ ଗୀତର ଟିଜର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କହିରଖୁଛୁ ଯେ, ଏହି ଗୀତ ୨୦୦୬ରେ ରିଲିଜ ହୋଇଥିବା ‘ଅକ୍ସର’ ଫିଲ୍ମର ଗୀତ ‘ଝଲକ୍ ଦିଖ ଲାଜା’ର ରିଲୋଡ ଭର୍ସନ । ଫିଲ୍ମ ‘ଦ ବଡି’ରେ ଏହାକୁ ରିକ୍ରିଟ କରାଯାଇଛି । ୨୪ ଘଣ୍ଟା ମଧ୍ୟରେ ଏହି ଗୀତର ଟିଜରକୁ ୨ ଲକ୍ଷରୁ ଅଧିକ ଲୋକେ ଦେଖି ସାରିଲେଣି ।
ନିକଟରେ ‘ଦ ବଡି’ର ଟ୍ରେଲରକୁ ମେକର୍ସ ରିଲିଜ କରିଥିଲେ । ଦର୍ଶକ ଏହାକୁ ଖୁବ ପସନ୍ଦ କରିଛନ୍ତି । ଫିଲ୍ମରେ ଇମରାନ ହାଶମୀ ଏବଂ ଋଷି କପୁରଙ୍କ ବ୍ୟତିତ ଶୋଭିତା ଘୁଲିପାଲା ଏବଂ ବେଦିକା ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମ ୧୩ ଡିସେମ୍ବରରେ ରିଲିଜ ହେବ ।