ବଲିଉଡ ଅଭିନେତା କାର୍ତ୍ତିକ ଆର୍ୟନ, ଅନନ୍ୟା ପାଣ୍ଡେ ଏବଂ ଭୂମି ପେଡନେକର ଷ୍ଟାରର ଫିଲ୍ମ ‘ପତି ପତ୍ନୀ ଔର ୱ’ର ଗୀତ ‘ଅଖିୟୋଁ ସେ ଗୋଲି ମାରେ’ ରିଲିଜ ହେଉ ହେଉ ସୋସିଆଲ ମିଡିଆରେ ଛାଇ ରହିଛି । ଗୀତକୁ ମାତ୍ର ଦୁଇ ଦିନରେ ଦୁଇ କୋଟିରୁ ଅଧିକ ଭ୍ୟୁଜ ୟୁଟ୍ୟୁବରେ ମିଳିସାରିଛି । ଏହି ଗୀତକୁ ଫରାହ ଖାନ କୋରିଓଗ୍ରାଫି କରିଛନ୍ତି । ସେହିପରି ଗୀତକି ତୁଲସୀ କୁମାର ଏବଂ ମିକା ସିଂ ରିକ୍ରିଏଟ କରିଛନ୍ତି । ଏହି ଗୀତରେ ରବୀନା ଟଣ୍ଡନ ଏବଂ ଗୋବିନ୍ଦାଙ୍କ ସଗନେଚର ଷ୍ଟେପ୍ସ ମଧ୍ୟ ଦେଖିବାକୁ ମିଳିଛି । ଏହି ପାର୍ଟ ନମ୍ବରରେ କାର୍ତ୍ତିକ ନିଜର ଦୁଇ ହିରୋଇନଙ୍କ ସହିତ ଝୁମୁଥିବାର ଦେଖିବାକୁ ମିଳିଛି ।
କହିରଖୁଛୁ ଯେ କାର୍ତ୍ତିକ ଆର୍ୟନଙ୍କ ଏହି ଫିଲ୍ମ ୧୯୭୮ରେ ରିଲିଜ ହୋଇଥିବା ବିଆର ଚୋପ୍ରାଙ୍କ ଫିଲ୍ମ ‘ପତି ପତ୍ନୀ ଔର ୱ’ର ରିମେକ । ଫିଲ୍ମରେ କାର୍ତ୍ତିକଙ୍କ ପତ୍ନୀ ଭାବେ ଭୂମି ପେଡନେକର ଏବଂ ଗର୍ଲଫ୍ରେଣ୍ଡ ଭାବେ ଅନନ୍ୟା ପାଣ୍ଡେଙ୍କୁ ଦେଖିବାକୁ ମିଳିବ । ଫିଲ୍ମ ୬ ଡିସେମ୍ବରରେ ରିଲିଜ ହେବ ।
