ମେରଠ ଥାନାରେ କିନ୍ନରଙ୍କ ଉପରେ ପୁଲିସ କଲା ଲାଠିଚାର୍ଜ, ଜାଣନ୍ତୁ !
ଉତ୍ତରପଦେଶର ମେରଠରେ ଶୁଭେଚ୍ଛା ଜଣାଇ ଟଙ୍କା ନେଣଦେଣକୁ ନେଇ ଦୁଇ କିନ୍ନର୍ ଗୋଷ୍ଠୀଙ୍କ ମଧ୍ୟରେ ସୋମବାର ଗଣ୍ଡଗୋଳ ହେବାପରେ ଉକ୍ତ ସ୍ଥାନରେ ପୋଲିସ୍ ପହଂଚିଥିଲା । ଦୁଇ ପକ୍ଷରୁ ଲାଲକୁର୍ତ୍ତୀ କ୍ଷେତ୍ର ଫୱାରା ଚୌକ ପାଖ ଏକ ଘରେ ଉତ୍ପାତ ମଚାଇଥିଲେ । ତେବେ ଏହି ହଙ୍ଗାମାର ଖବର ପାଇ ପୋଲିସ୍ ପହଂଚିବା ପରେ ଦୁଇ କିନ୍ନର୍ ଗୋଷ୍ଠୀଙ୍କୁ ଥାନାକୁ ନେଇ ବୁଝାବୁଝି କରିଥିଲେ । ପୋଲିସର ବାରମ୍ବାର ବୁଝାଇବା ପରେ ମଧ୍ୟ ମାମଲା ଉଗ୍ର ହେବାରୁ ପୋଲିସ୍ କୁ ଲାଠି ଚଳାଇବାକୁ ପଡିଥିଲା । ତେବେ ଏହାର ଏକ ଭିଡିଓ ମଧ୍ୟ ସୋସିଆଲ୍ ସାଇଟ୍ ଘୁରି ବୁଲୁଛି ଯେଉଁଥିରେ ଥାନାର ଇନ୍ସପେକ୍ଟର ମଧ୍ୟ କିନ୍ନରଙ୍କୁ ପିଟୁଥିବାର ମଧ୍ୟ ଦେଖିବାକୁ ମିଳିଛି ।
#WATCH: Transgenders lathi charged by police allegedly after they created ruckus in Lalkurti police station,Meerut today. SSP says,’things have come to the fore,transgenders misbehaved,but force was used to control them. If force used was more than required,probe to be conducted’ pic.twitter.com/3Fq4gl8EoX
— ANI UP (@ANINewsUP) June 10, 2019
ତେବେ ଘଟଣା ସେତେବେଳେ ଜଟିଳ ହେଲା ଯେତେବେଳେ କିନ୍ନରମାନେ ଅର୍ଦ୍ଧନଗ୍ନ ଅବସ୍ଥାରେ ଥାନାରେ ହଙ୍ଗାମା କରିବା ଆରମ୍ଭ କରି ଦେଇଥିଲେ । ଯାହାପରେ ପୋଲିସ୍ ମଧ୍ୟ ଉଗ୍ର ରୂପ ଧାରଣ କରି କିନ୍ନରଙ୍କୁ ପିଟିବା ଆରମ୍ଭ କରିଦେଇଥିଲେ । ଖୋଦ୍ ଥାନା ଇନ୍ସପେକ୍ଟର ରୋଞ୍ଜତ୍ ତ୍ୟାଗିଙ୍କ ସମେତ ଅନ୍ୟ ପୋଲିସକର୍ମୀ ମଧ୍ୟ କିନ୍ନରଙ୍କୁ ଗୋଡାଇ ଗୋଡାଇ ପିଟିଥିଲେ ।
ଆପଣଙ୍କୁ କହିରଖୁଛୁ ଟ୍ରାନ୍ସଜେଣ୍ଡର ସମୁଦାୟ ସଦସ୍ୟଙ୍କୁ ସାର୍ବଜନୀନ ସ୍ଥଳରୁ ଟଙ୍କା ଆଦାୟର ଅଭିଯୋଗ ଲଗାଯାଇଛି । ନିକଟରେ ଆରଟିଆଇ ରିପୋର୍ଟରେ ରେଳ ମନ୍ତ୍ରାଳୟ କହିଥିଲେ ଗତ ୪ ବର୍ଷ ମଧ୍ୟରେ ଯାତ୍ରୀଙ୍କ ଠାରୁ ଜୋର୍ ଜବରଦସ୍ତ ଟଙ୍କା ଆଦାୟ କରିବା ଅଭିଯୋଗରେ ୭୩,୦୦୦ କିନ୍ନରଙ୍କୁ ଗିରଫ କରାଯାଇଛି ।