ଏନଟିଆର ବାୟୋପିକର ପୋଷ୍ଟର ରିଲିଜ, ସାମ୍ନାକୁ ଆସିଲା ବିଦ୍ୟା ବାଲାନଙ୍କ ଲୁକ
ଆନ୍ଧ୍ର ପ୍ରଦେଶରେ ଭଗବାନଙ୍କ ପରି ପୂଜା କରାଯାଉଥିବା ଆକ୍ଟର ଏବଂ ରାଜନେତା ଏନ.ଟି. ରାମାରାଓଙ୍କ ବାୟୋପିକର ସୁଟିଂ ଏବେ ଜୋର ସୋରରେ ଚାଲିବାରେ ଲାଗିଛି । ଫିଲ୍ମର ସୁଟିଂ ବର୍ତ୍ତମାନ ହାଇଦ୍ରାବାଦରେ ଚାଲିଛି । ତେବେ ଇତି ମଧ୍ୟରେ ଫିଲ୍ମର କିଛି ପୋଷ୍ଟରକୁ ରିଲିଜ କରାଯାଇଛି । ଏହି ପୋଷ୍ଟରରେ ବଲିଉଡ ଅଭିନେତ୍ରୀ ବିଦ୍ୟା ବାଲାନଙ୍କ ଲୁକକୁ ମଧ୍ୟ ରିଲିଜ କରାଯାଇଛି । ପୋଷ୍ଟରରେ ବିଦ୍ୟା ହାରମୋନିୟମ ବଜାଉଥିବାର ନଜର ଆସିଛନ୍ତି । ଫିଲ୍ମରେ ବିଦ୍ୟା ବାଲାନ ଏନଟିଆରଙ୍କ ପତ୍ନୀ ଭୂମିକାରେ ନଜର ଆସିବେ ।
Vidya Balan… Presenting her look from #NTRBiopic… Also check out the massive star cast in the second poster… Trailer launch tomorrow… #NTRKathanayakudu #NTRMahanayakudu #NTRTrailer #NTRTrailerOnDec21 pic.twitter.com/5qnitwvS13
— taran adarsh (@taran_adarsh) December 20, 2018
କହିରଖୁଛୁ ଯେ, ଫିଲ୍ମର ଟ୍ରେଲର ୨୧ ଡିସେମ୍ବରରେ ଲଂଚ କରାଯିବ । କୃଷ ଏହି ଫିଲ୍ମର ନିର୍ଦ୍ଦେଶନା କରିଛନ୍ତି । ଏମଏମ କିରାବାନୀ ଫିଲ୍ମର ସଙ୍ଗୀତ ନିର୍ଦ୍ଦେଶନା ଭାର ତୁଲାଇଛନ୍ତି । ଫିଲ୍ମର ବଜେଟ ୧୦୦ କୋଟି ବୋଲି କୁହାଯାଉଛି । ଏଟିଆରଙ୍କ ବିଷୟରେ କହିବାକୁ ଗଲେ ସେ ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ରହିସାରିଛନ୍ତି । ଏହା ସହିତ ଅଭିନେତା ମଧ୍ୟ ରହିଛନ୍ତି । ତାଙ୍କର ଫ୍ୟାନ୍ସ ଏବେ ମଧ୍ୟ ତାଙ୍କୁ ଭଗବାନଙ୍କ ପରି ପୂଜା କରନ୍ତି ।