କାଶ୍ମୀର ଉପରେ ଫିଲ୍ମ ନିର୍ମାଣ କରିବେ ବିବେକ ଅଗ୍ନିହୋତ୍ରୀ, ଏହି ଦିନ ରିଲିଜ ହେବ ଫିଲ୍ମ
ନିର୍ଦ୍ଦେଶକ ବିବେକ ରଂଜନ ଅଗ୍ନିହୋତ୍ରୀଙ୍କ ଫିଲ୍ମ ‘ଦ ତାସକେଂଡ ଫାଇଲ୍ସ’କୁ କ୍ରିଟିକ୍ସ ଏବଂ ଦର୍ଶକ ଖୁବ ପସନ୍ଦ କରିଥିଲେ ଏବଂ ପ୍ରଶଂସା ମଧ୍ୟ । ଖୁବ କମ ବଜେଟରେ ନିର୍ମିତ ଏହି ଫିଲ୍ମ କେବଳ ୪୦ ଲକ୍ଷର ଓପନିଙ୍ଗ କରିଥିଲା । କିନ୍ତୁ ଏହା ପରେ ଫିଲ୍ମ ୧୬.୭୫ କୋଟି ବିଜନେସ କରିଥିଲା । ଏହି ଫିଲ୍ମ ପରେ ଏବେ ବିବେକ ଅଗ୍ନିହୋତ୍ରୀ ଫିଲ୍ମ ‘ ଦ କାଶ୍ମୀର ଫାଇଲ୍ସ’ ନିର୍ମାଣ କରିବାକୁ ଯାଉଛନ୍ତି । ଫିଲ୍ମ ଆସନ୍ତା ବର୍ଷ ଅଗଷ୍ଟରେ ରିଲିଜ ହେବ । କାଶ୍ମୀର ହିନ୍ଦୁ ପଣ୍ଡିତ ଉପରେ ନିର୍ମିତ ଏହି ଫିଲ୍ମ ବିଷୟରେ ନିକଟ ଅତୀତରେ ଘୋଷଣା କରିଛନ୍ତି ବିବେକ ।
ବିବେକ ଟ୍ୱିଟରରେ ଫିଲ୍ମ ବିଷୟରେ ସୂଚନା ଦେଇଛନ୍ତି । ବିବେକ କହିଛନ୍ତିଯେ ଦୀର୍ଘ ଦିନ ଧରି ସେ କାଶ୍ମୀର ଉପରେ ଫିଲ୍ମ ନିର୍ମାଣ କରିବାକୁ ଚାହୁଁଥିଲେ ଏବଂ ତାସକେଂଡ ପରେ ତାଙ୍କୁ କନଫିଡେନ୍ସ ଆସିଥିଲା । ୧୯୯୧ରେ ହୋଇଥିବା ଟ୍ରାଜେଡିରେ କେତେକ କାଶ୍ମୀର ପଣ୍ଡିତଙ୍କୁ ନିଜ ଘର ଛାଡ଼ିବାକୁ ପଡ଼ିଥିଲା । ଏହା ଦ୍ୱାରା କେତେକ ହିଂସାକାଣ୍ଡ ମଧ୍ୟ ଘଟିଥିଲା । ଯାହାର ଦୃଶ୍ୟ ଏହି ଫିଲ୍ମରେ ଦେଖିବାକୁ ମିଳିବ ।