ଲାଇଭ ଶୋ’ରେ ରିପୋର୍ଟରଙ୍କୁ ବାରମ୍ବାର ଧକ୍କା ମାରିଲା ଘୁଷୁରୀ, ଭିଡ଼ିଓ ଭାଇରାଲ
କେତେକ ସମୟରେ ଲାଇଭ ରିପୋର୍ଟିଙ୍ଗ ସମୟରେ ଏଭଳି କିଛି ଭିଡ଼ିଓ ସାମ୍ନାକୁ ଆସେ ଯାହା ଖୁବ ଅପ୍ରିତିକର ଥାଏ । ଏହା ପୂର୍ବରୁ ମଧ୍ୟ ଆମେ ଆପଣଙ୍କୁ ସେହିଭଳି କିଛି ଭିଡ଼ିଓ ଦେଖାଇଛୁ । ତେବେ ନିକଟରେ ସେହିଭଳି ଏକ ଭିଡ଼ିଓ ସାମ୍ନାକୁ ଆସିଛି । ଆଜ୍ଞା ହଁ ଭିଡ଼ିଓଟି ଗ୍ରୀସ ଦେଶର । ଏଠାରେ ଲାଇଭ ରିପୋର୍ଟିଙ୍ଗ କରୁଥିବା ସମୟରେ ଏକ ଘୁଷୁରୀ ରିପୋର୍ଟରଙ୍କ ପଛରେ ପଡ଼ି ଯାଇ ଥିବାର ନଜର ଆସିଛି ।
Greek journo pestered by a pig while reporting on the recent floods in #Kinetta #Greece #tv #bloopers #ant1tv #Ant1news pic.twitter.com/vsLBdlWCMB
— Kostas Kallergis (@KallergisK) November 26, 2019
ଏହା ଏଏନଟିୱାନ ଟିଭିର ଏକ ମର୍ଣିଙ୍ଗ ଶୋ । ରିପୋର୍ଟର ଜଣକ ରିପୋର୍ଟିଙ୍ଗ ପାଇଁ କିନେଟା ସହର ଯାଇଥିଲେ । ଲାଇଭ ରିପୋର୍ଟିଙ୍ଗ ସମୟରେ ଏକ ଘୁଷୁରୀ ତାଙ୍କ ପଛରେ ପଡ଼ିଗଲା । ତାକୁ ଦେଖିବା ମାତ୍ରେ ରିପୋର୍ଟର ଡରିଗଲେ ଏବଂ ତା ପିଛା ଛଡ଼ାଇବାକୁ ଚେଷ୍ଟା କଲେ । କିନ୍ତୁ ପିଛା ଛାଡ଼ିବା ଦୂରେ ଥାଉ ବରଂ ରିପୋର୍ଟରଙ୍କୁ ଧକ୍କା ମାରିବାକୁ ଲାଗିଲା ଘୁଷୁରୀ । ଏହାକୁ ଦେଖି ଷ୍ଟୁଡିଓରେ ଥିବା ଆଙ୍କର ହସିବାକୁ ଲାଗିଲେ । କହିରଖୁଛୁ ରିପୋର୍ଟରଙ୍କ ନାମ ମ୍ୟାଟିକୋସ ।
