ସୋସିଆଲ ମିଡିଆରେ ଭାଇରାଲ ହୋଇଥିବା ମହିଳା ପୋଲିଂ ଅଫିସର ରୀନା ଦ୍ୱିବେଦୀ ଦେଲେ ଭୋଟ, କହିଲେ ମୋତେ ବହୁତ ଦୁଃଖ ଲାଗୁଛି !
ଚଳିତ ବର୍ଷ ଲୋକସଭା ନିର୍ବାଚନ ଅବସରରେ କିଛି ମହିଳା ପୋଲିଂ ଅଫିସର ନିଜ ଗ୍ଲାମରସ ଲୁକକୁ ନେଇ ଚର୍ଚ୍ଚାକୁ ଆସିଥିଲେ । ସେମାନଙ୍କ ମଧ୍ୟରୁ ସବୁଠାରୁ ଚର୍ଚ୍ଚାରେ ଥିଲେ ରୀନା ଦ୍ୱିବେଦୀ । ରୀନାଙ୍କ ହଳଦୀଆ ସାଢୀ ଏବଂ ତାଙ୍କ ଲୁକ ସୋସିଆଲ ମିଡିଆରେ ଖୁବ ଭାଇରାଲ ହୋଇଥିଲା ।
ନିକଟରେ ରୀନାଙ୍କୁ ପୁଣିଥରେ ବୁଥରେ ଦେଲଖିବାକୁ ମିଳିଛି । ବରଂ ଏଥର ସେ କୌଣସି ପୋଲିଂ ଅଫିସର ଭାବେ ନୁହେଁ ଭାଟର ଭାବେ ନଜର ଆସିଥିଲେ । ଉତ୍ତରପ୍ରଦେଶର ଦେବରିଆରେ ରୀନା ଭୋଟ ଦେବା ପରେ ସାମ୍ବାଦିକଙ୍କ ପ୍ରଶ୍ନର ଉତ୍ତରରେ କହିଥିଲେ ଯେ, ସୋସିଆଲ ମିଡିଆରେ ମୋ ଫଟୋ ନେଇ ଯେଉଁ ଚର୍ଚ୍ଚା ସୃଷ୍ଟି ହୋଇଥିଲା ତାହା ମୋତେ ବଡ ଦୁଃଖିତ କରିଛି ।
ସେ ଆହୁରି କହିଥିଲେ ଯେ, ଉଦୁଉଦିଆ ଖରାରେ ଜଣେ ମହିଳା ତାଙ୍କ ଦାୟିତ୍ୱ ନିର୍ବାହ କରୁଥିଲାବେଳେ ଲୋକଙ୍କର ନଜର ତାଙ୍କ କର୍ତ୍ତବ୍ୟ ଉପରେ ନଥିଲା ବରଂ ଗ୍ଳାମର ଉପରେ ଥିଲା । ଅନେକ ମତେ ନେଇ ଭିନ୍ନ ମନ୍ତବ୍ୟ ଦେଇଛନ୍ତି । ତେଣୁ ମୋର ଅନୁରୋଧ ଗଣମାଧ୍ୟମରେ ମୋର ଗ୍ଳାମରକୁ ନେଇ ଚର୍ଚ୍ଚା ନହେଉ । ବରଂ କିପରି ମୁଁ ମୋ ଦାୟିତ୍ୱ ନିଭାଇ ଥିଲି ସେ ସଂପର୍କରେ ଚର୍ଚ୍ଚା ହେଉ । ସେ ଆହୁରି ମଧ୍ୟ କହିଥିଲେ ଯେ, ସୋସିଆଲ ମିଡିଆରେ ମୁଁ ଚର୍ଚ୍ଚାକୁ ଆସିବା ପରେ ଏବେ ମୋତେ ଅନେକ ଲୋକ ଚିହ୍ନି ପାରୁଥିବାରୁ ମୁଁ ଖୁସି ଅନୁଭବ କରୁଛି।
