ପିଲାଦିନରୁ ଡିପ୍ରେସନରେ ପିଡିତ ଦଙ୍ଗଲ ଗାର୍ଲ ଜାୟରା ୱସୀମ, ମନକୁ ଆସୁଥିଲା ଆତ୍ମହତ୍ୟା କରିବାର ଭାବନା ।
ସିକ୍ରେଟ ସୁପରଷ୍ଟାର ଜାୟରା ୱସୀମ ଅଳ୍ପ କିଛି ଫିଲ୍ମରେ କାମ କରି ବଲିଉଡରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଠି କରିପାରିଛନ୍ତି । କ୍ୟାରିୟର ଆରମ୍ଭରୁ ତାଙ୍କୁ ସୁପରଷ୍ଟାର ଅମିର ଖାନଙ୍କ ସହିତ କାମ କରିବାର ସୁଯୋଗ ମିଳିଥିଲା । ନିକଟରେ ଜାୟରା ସୋସିଆଲ ମିଡିଆ ରେ ନିଜ ଜୀବନର କିଛି ଖାସ କଥା ସେୟାର କରି ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛନ୍ତି । ସେ କହିଛନ୍ତି ଯେ ପିଲାଦିନରୁ ସେ ମାନସିକ ରୋଗରେ ପିଡିତ ।
ଶୁକ୍ରବାର ଜାୟରା ଟୁଇଟ କରି ଲେଖିଥିଲେ, ସେ ଖୁବ କମ ବୟସରେ ମାନସିକ ରୋଗରେ ପିଡିତ ଥିଲେ । ଜାୟରା ଏକ ଓପନ ଲେଟର ଲେଖି ନିଜର ଭାବନାକୁ ବ୍ୟକ୍ତ କରିଛନ୍ତି । ଜାୟରା କହିଛନ୍ତି ଯେ, ‘ହୋଇପାରେ ଏହା ଜୀବନର ଏକ ଅଂଶ କିନ୍ତୁ ଏହା ମୋତେ ଏପରି ଏକ ପରିସ୍ଥିତିରେ ଠିଆ କରିଛି ଯାହାର କଳ୍ପନା ମୁଁ କେବେ କରିନଥିଲି ।’
— Zaira Wasim (@ZairaWasimmm) May 10, 2018
ସେ ଆଗକୁ ମଧ୍ୟ କହିଥିଲେ ‘ମୋର ଏବେ ମଧ୍ୟ ମନେ ଅଛି ୧୨ ବର୍ଷରେ ମୋତେ ପ୍ରଥମ ପ୍ୟାନିକ ଆଟାକ ହୋଇଥିଲା । ୧୪ ବର୍ଷ ବୟସରେ ଏପରି ଆଉଥରେ ହୋଇଥିଲା । ମୋର ମନେ ନାହିଁ ଏପରି କେତେ ଥର ହୋଇଛି । ମୁଁ ଜାଣିନି ଏଥିପାଇଁ ମୋତେ କେତେ ଔଷଧ ଖାଇବାକୁ ପଡିବ । କିନ୍ତୁ ସମସ୍ତେ ମୋତେ ବୁଝାଇଥାନ୍ତି ଏହି ବୟସରେ ଡିପ୍ରେସନ ହୁଏ ନାହିଁ ।’ ଏହାକୁ ନେଇ ତାଙ୍କ ମନରେ ଆତ୍ମହତ୍ୟା କରିବାର ଭାବନା ଆସିଛି ବୋଲି ମଧ୍ୟ ସେ ଏହି ଚିଠିରେ ଉଲ୍ଲେଖ କରିଛନ୍ତି ।
ଏହା ସହିତ ସେ କହିଥିଲେ ମୁଁ ସେମାନଙ୍କୁ ଧନ୍ୟବାଦ ଜଣାଉଛି ଯେଉଁମାନେ ମୋ ସହିତ ସବୁ ପରିସ୍ଥିତିରେ ଠିଆ ହୋଇଛନ୍ତି । ଏପରି ସ୍ଥିତିରେ ମୋ ପରିବାର ଧୈ÷ର୍ଯ୍ୟର ସହିତ ରହିଥିବାରୁ ମୁଁ ଯେତେ ତାଙ୍କୁ ଧନ୍ୟବାଦ ଜଣାଇବି ତାହା କମ ହେବ ।