Only for Entertainment

‘ବାବୁ ଭାଇଜାନ୍’ ସହିତ ପରଦାକୁ ଫେରିବେ ଅରିନ୍ଦମ, ଏହି ନାୟିକାଙ୍କ ସହିତ କରିବେ ସ୍କ୍ରିନ ସେୟାର

you tube
33

ଅନେକ ଦିନର ବ୍ୟବଧାନ ପରେ ପୁଣିଥରେ ଓଲିଉଡ୍ ପରଦାରେ ଦେଖିବାକୁ ମିଳିବ ଆକ୍ସନ୍ ଷ୍ଟାର୍ ଅରିନ୍ଦମଙ୍କ ଜବରଦସ୍ତ ଅନ୍ଦାଜ୍ । ଯୁବ ପୀଢିର ନାୟିକା ଶୀବାନୀଙ୍କ ସହ ପ୍ରଥମ ଥର ସ୍କ୍ରିନ୍ ସେୟାର୍ କରିବେ ଅଭିନେତା ଅରିନ୍ଦମ୍ । ଦୁହିଁଙ୍କୁ ନେଇ ପ୍ରସ୍ତୁତ ହେଉଥିବା ଏହି ଚଳଚ୍ଚିତ୍ରର ଟାଇଟେଲ୍ ରହିଛି ‘ବାବୁ ଭାଇଜାନ୍’ । ଏହି ସିନେମାର ଶୁଭ ମହୁରତ ନିକଟରେ ଅନୁଷ୍ଠିତ ହୋଇ ଯାଇଛି ।

ଫିଲ୍ମର କାହଣୀ ବିଷୟରେ କହିବାକୁ ଗଲେ ସାଧାରଣ ଲୋକ ଅବଦୁଲ୍ ଅମିନ୍ ଖାନଙ୍କ ସଂଘର୍ଷ ଭରା ଜୀବନକୁ ନେଇ ସିନେମାର କାହାଣୀ ଗତିଶୀଳ ହେବ । ବାଲେଶ୍ୱରର ଜିଲ୍ଲାର ଏକ ଛୋଟିଆ ଗାଁରୁ ବାହାରି କିଭଳି ଅବ୍ଦୁଲ୍ ଅମିନ୍ ଖାନ୍ ଜଣେ ବଡ ବ୍ୟବସାୟୀ ହୁଏ ଆଉ ବାବୁ ଭାଇଜାନ୍ ଭାବେ ନିଜର ପରିଚୟ ବନାଏ ତାହାକୁ ନେଇ କାହାଣୀଟି ଗତିଶୀଳ ହେବ । ନିକଟରେ ଏହି ସିନେମାର ଶୁଭ ମହୁରତ ଅନୁଷ୍ଠିତ ହୋଇ ଯାଇଛି । ଏହି ସିନେମାରେ ଅଭିନେତା ଅରିନ୍ଦମଙ୍କୁ ବାବୁ ଭାଇଜାନ୍ ଚରିତ୍ରରେ ଦେଖିବାକୁ ମିଳିବ । ସିନେମାରେ ତାଙ୍କ ବିପକ୍ଷରେ ନାୟିକା ଭାବେ ଅଭିନେତ୍ରୀ ଶୀବାନୀ ଆସିବେ ନଜର ।

ଖ୍ୱାଜା ଗରିବ ନୱାଜ୍ ପ୍ରଡକ୍ସନ୍ ଦ୍ୱାରା ପ୍ରସ୍ତୁତ ହେଉଥିବା ଏହି ସିନେମାର ନିର୍ଦ୍ଦେଶନା ଦେବେ ତାପସ ସରଘରିଆ । ସିନେମାର କାହାଣୀ, ସ୍କ୍ରିନ ପ୍ଲେ ସହ ପ୍ରଯୋଜନା କରୁଛନ୍ତି ସନ୍ତୋଷ ନାରାୟଣ ଦାସ୍ । ଫିଲ୍ମରେ ଅନ୍ୟାନ୍ନ ପ୍ରମୁଖ ଭୂମିକାରେ ଶ୍ରୀତମ ଦାସ, ବବି ମିଶ୍ର, ମିହିର୍ ଦାସ, ଚୌଧୁରୀ ବିକାଶ ଦାସ, ପ୍ରଦ୍ୟୁମ୍ନ ଲେଙ୍କା, ଦୀପକ ମିଶ୍ର, ରବି ମିଶ୍ର, ପୁଷ୍ପା ପଣ୍ଡା, ସୋମା ହୋତା, ବିଦୁଷ୍ମିତା ଆଦି କଳାକାରଙ୍କୁ ଦେଖିବାକୁ ମିଳିବ । ସିନେମାର ସଙ୍ଗୀତର ଭାର ତୁଲାଇଛନ୍ତି ମଳୟ ମିଶ୍ର ।

ଏହି ଚଳଚ୍ଚିତ୍ରର ଶୁଭ ମହୁରତ ଅନୁଷ୍ଠିତ ହୋଇ ସାରିଥିବାବେଳେ, ଫିଲ୍ମଟିର ସୁଟିଂ ଆରମ୍ଭ ହୋଇ ଯାଇଛି । ଖୁବଶୀଘ୍ର ପରଦାକୁ ଆସିବ ଚଳଚ୍ଚିତ୍ର ବାବୁ ଭାଇଜାନ୍ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More