Only for Entertainment

ଗିରଫ ହେଲେ ବିଗ ବସ ଫେମ ଅଭିନେତା ଅର୍‌ମାନ୍‌ କୋହଲୀ !

NA
14

କିଛି ଦିନ ପୂର୍ବରୁ ପ୍ରେମିକା ନିରୁ ରନ୍ଧାଓ୍ଵାଙ୍କୁ ମାଡ଼ ମାରି ବିବାଦରେ ଫସିଥିବା ଅଭିନେତା ଅର୍‌ମାନ କୋହଲୀ ଏବେ ଏକ ନୂଆ ବିବାଦରେ ଛନ୍ଦି ହୋଇ ପଡ଼ିଥିବା ଜଣାପଡ଼ିଛି । ମିଳିଥିବା ସୂଚନା ମୁତାବକ,ବେଆଇନ୍‌ ଭାବରେ ବିଦେଶୀ ବ୍ରାଣ୍ଡର ସ୍କଚ୍‌ ଏବଂ ହ୍ଵିସ୍କିର ବୋତଲ ରଖିଥିବାରୁ ତାଙ୍କୁ ଗିରଫ କରାଯାଇଛି । ତାଙ୍କ ପାଖରୁ ୪୧ଟି ବିଦେଶୀ ବ୍ରାଣ୍ଡର ସ୍କଚ୍‌ ଏବଂ ହ୍ଵିସ୍କିର ବୋତଲ ଜବତ କରିଛି ପୁଲିସ। ତାଙ୍କ ଉପରେ ବମ୍ବେ ପ୍ରୋହିବିସନ୍‌ ଆକ୍ଟ ୧୯୪୯ର ଧାରା ୬୩ ଅନୁଯାୟୀ, ବେଆଇନ୍‌ ଭାବରେ ମଦ ରଖିବାର ଆରୋପ ଲାଗିଛି । ଆର୍‌ମାନଙ୍କୁ ଏକ୍ସସାଇଜ୍‌ ପୁଲିସ ହେପାଜତକୁ ନେଇ ପଚରାଉଚରା କରୁଥିବା ଜଣାପଡ଼ିଛି ।

ଆଇନ୍‌ ଅନୁଯାୟୀ, ଦେଶର କୌଣସି ନାଗରିକ ମାସକ ପାଇଁ କେବଳ ୧୨ଟି ମଦ ବୋତଲ ପାଖରେ ରଖି ପାରିବ । ଏହା ସହ ବିଦେଶରୁ କେବଳ ଦୁଇଟି ବୋତଲ ଆଣିବାର ଅନୁମତି ରହିଥାଏ । କିନ୍ତୁ ଅର୍‌ମାନ ୪୧ଟି ମଦ ବୋତଲ ରଖି ଆଇନ୍‌ର ଉଲ୍ଲଙ୍ଘନ କରିଛନ୍ତି । ଏବେ ତାଙ୍କୁ ପଚାଉଚରା କରାଯାଉଥିବା ବେଳେ ଲାଗିଥିବା ଆରୋପ ପ୍ରମାଣ ହେଲେ ତାଙ୍କୁ ୩ ବର୍ଷ ଜେଲ ଦଣ୍ଡ ଭୋଗିବାକୁ ପଡ଼ିପାରେ ବୋଲି କୁହାଯାଉଛି।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More