ମୁକ୍ତିଲାଭ କଲା ଆଗାମୀ ବଲିଉଡ୍ ଡ୍ରାମା ଫିଲ୍ମ ‘ଟ୍ୱେଂଟି ଟୁ ୟାର୍ଡସ୍’ର ପ୍ରଥମ ଟ୍ରେଲର୍ । ସିନେମାରେ ମୁଖ୍ୟ ଭୂମିକାରେ ନଜର ଆସିଛନ୍ତି ଛୋଟ ପରଦାରା ଲୋକପ୍ରିୟ ତାରକା ବରୁଣ ସୋବତି । ସିନେମାରେ ବରୁଣଙ୍କୁ ଜଣେ ସ୍ପୋର୍ଟସ୍ ଏଜେଂଟ୍ ଭୂମିକାରେ ଦେଖିବାକୁ ମିଳିବ । ସିନେମାର କାହାଣୀ କ୍ରିକେଟ୍ ଏବଂ ଏହାକୁ ନେଇ ହେଉଥିବା ବିଜନେସକୁ ନେଇ ଗତିଶୀଳ ହୋଇଛି । ଜଣେ ସ୍ପୋର୍ଟସ୍ ଏଜେଂଟ୍ ଭାବେ ସଫଳତାର ଶୀର୍ଷରେ ପହଁଚିଥିବା ଜଣେ ଯୁବକ ଫସି ଯାଏ ସାମ୍ବାଦିକାଙ୍କ ପ୍ରେମରେ । ଆଉ ସେହି ସାମ୍ବାଦିକା ଜଣକ ହିଁ କାରାଣ ସାଜେ ଯୁବକର ବିଫଳତାର । ଶେଷରେ ସେହି ସ୍ପୋର୍ଟସ୍ ଏଜେଂଟ୍ ଏକ ଗରିବ କ୍ରିକେଟରକୁ ଆଗକୁ ଆଣିବା ପାଇଁ କରେ ଢେର୍ ମେହନତ୍ । ସିନେମାରେ ଅଭିନେତ୍ରୀ ପ୍ରାଚୀ ବୋହରାଙ୍କୁ ସାମ୍ବାଦିକା ଭୂମିକାରେ ଦେଖିବାକୁ ମିଳିବ । ଏମାନଙ୍କ ବ୍ୟତୀତ ଅମର୍ତ ରେ, ରଜିତ୍ କପୁର୍, ଚୈତି ଘୋଷାଲ୍, ରାଜେଶ ଶର୍ମା ଏବଂ ଗୀତିକା ତ୍ୟାଗି ଆଦି କଳାକାରଙ୍କୁ ଅଭିନୟ ଦେଖିବାକୁ ମିଳିବ ଏହି ସିନେମାରେ । ୨୨ ଫେବୃୟାରୀରେ ପରଦାକୁ ଆସିବ ଚଳଚ୍ଚିତ୍ର ‘ଟ୍ୱେଂଟି ଟୁ ୟାର୍ଡସ୍’ ।
ଦେଖନ୍ତୁ ଟ୍ରେଲର-