ୟାମୀ ଗୌତମଙ୍କ ସହ ବ୍ରେକଅପ ପରେ ଏହି ଅଭିନେତ୍ରୀଙ୍କୁ ଡେଟ କରୁଛନ୍ତି ପୁଲକିତ ସମ୍ରାଟ, ନାମ ଜାଣି ହୋଇଯିବେ ଆଶ୍ଚର୍ଯ୍ୟ

ବଲିଉଡ ଅଭିନେତା ପୁଲକିତ ସମ୍ରାଟ ଏବେ ନିଜ ଫିଲ୍ମ ଅପେକ୍ଷା ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଛନ୍ତି । ସଲମାନ ଖାନଙ୍କ କଥିତ ଭଉଣୀ ଶ୍ୱେତା ରୋହିରାଙ୍କ ଟାରୁ ଛାଡପତ୍ର ନେବା ପୂର୍ବରୁ ପୁଲକିତଙ୍କ ନାମ ୟାମୀ ଗୌତମଙ୍କ ସହିତ ଯୋଡା ଯାଉଥିଲା । ଦୁହିଁଙ୍କ ରିଲେସଲସିପ ମିଡିଆରେ ମଧ୍ୟ ଚର୍ଚ୍ଚାରେ ରହିଥିଲା । କିନ୍ତୁ ଦୁହିଁଙ୍କ ସମ୍ପର୍କ ବେଶୀ ଦିନ ଚାଲିପାରିଲା ନାହିଁ । ଦୁହିଁଙ୍କ ବ୍ରେକଅପକୁ ନେଇ ମଧ୍ୟ ସେତେବେଳେ ବେଶ ଆଲୋଚନା ହୋଇଥିଲା । ଏବେ ଅଭିନେତା ପୁଲକିତ ସମ୍ରାଟ ପୁଣିଥରେ ନିଜ ପର୍ସନାଲ ଲାଇଫକୁ ନେଇ ଚର୍ଚ୍ଚାରେ ରହିଛନ୍ତି ।

ଖବର ଅନୁସାରେ ପୁଲକିତ ସମ୍ରାଟ ଏବେ ବଲିଉଡ ଅଭିନେତ୍ରୀ କୃତି ଖରବନ୍ଦାଙ୍କୁ ଡେଟ କରୁଛନ୍ତି । ଦୁହିଁଙ୍କୁ ଏବେ ଏକା ସହିତ ସ୍ପଟ କରାଯାଉଛି । କେବଳ ଏତିକି ନୁହେଁ ପୁଲକିତଙ୍କ ଜନ୍ମଦିନରେ କୃତି ତାଙ୍କୁ ସରପ୍ରାଇଜ ଦେବା ପାଇଁ ଚେନ୍ନାଇ ଯାଇଥିଲେ । କୃତି କିଛି ଦିନ ହେବେ ପୁଲକିତଙ୍କ ପର୍ସନାଲ ଟ୍ରେନର ସମୀର ହଂସାରୀଙ୍କ ଠାରୁ ଟ୍ରେନିଂ ନେଉଥିବାର ମଧ୍ୟ ଦେଖବାକୁ ମିଳିଛି । କିନ୍ତୁ ଦୁହେଁ ରିଲେସନସିପକୁ ନେଇ କିଛି ସ୍ପଷ୍ଟ କରିନାହାଁନ୍ତି ।

କହିରଖୁଛୁ ଯେ, ପୁଲକିତ ସମ୍ରାଟ ଏବଂ କୃତି ଖରବନ୍ଦା ଫିଲ୍ମ ବୀରେ ଦି ୱେଡିଂରେ ନଜର ଆସିଥିଲେ । ଏହା ବ୍ୟତିତ ଦୁହେଁ ଅନୀଜ ବଜ୍ମୀଙ୍କ ଫିଲ୍ମ ‘ପାଗଳପନ୍ତି’ରେ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମରେ ଦୁହିଁଙ୍କ ବ୍ୟତିତ ଜନ ଆବ୍ରାହମ , ଇଲିଆନା ଡି-କ୍ରୁଜ, ଅରଶଦ ବାରସୀ, ଉର୍ବଶୀ ରୌତେଲା ଏବଂ ସୌରଭ ଶୁକ୍ଲା ପ୍ରମୁଖ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମର ନିର୍ମାଣ ଭୂଷଣ କୁମାର, କୃଷ୍ଣା କୁମାର, କୁମାର ମନଘଟ ଏବଂ ଅଭିଷେକ ପାଠକ ମିଳିତ ଭାବେ କରିବେ ।