ବିହାରର ୨୧୦୦ କୃଷକଙ୍କୁ ସାହାଯ୍ୟ କରିବା ପାଇଁ ଆଗକୁ ଆସିଲେ ଅମିତାଭ ବଚ୍ଚନ, ବ୍ୟାଙ୍କ ଲୋନ କଲେ ପରିଶୋଧ
ବଲିଉଡ ମହାନାୟକ ଅମିତାଭ ବଚ୍ଚନ କୃଷକଙ୍କ ପାଇଁ କିଛି ନା କିଛି ହିତକର କାର୍ଯ୍ୟ କରିଥାନ୍ତି । ଏବେ ଏହି ମହାନ ଅଭିନେତା ବିହାରର ଦୁଇ ହଜାରରୁ ଅ ଧିକ କୃଷକଙ୍କ ବ୍ୟାଙ୍କ ଋଣ ପରିଶୋଧ କରି ତାଙ୍କୁ ବଡ ଆସ୍ୱସ୍ତି ଦେଇଛନ୍ତି ।
ଅମିତାଭ ବଚ୍ଚନ ନିଜ ବ୍ଲଗ ଜରିଆରେ ଏହି ବିଷୟରେ ସୂଚନା ଦେଇଛନ୍ତି । ସେ ଲେଖିଛନ୍ତି, ‘ଗୋଟିଏ ପ୍ରତିଜ୍ଞା କରାଯାଇଥିଲା ଯାହା ପୂରା ହେଲା… ବିହାରରେ ଏପରି ଅନେକ କୃଷକ ଥିଲେ ଯେଉଁମାନଙ୍କର ଋଣ ବାକି ରହିଥିଲା । ସେମାନଙ୍କ ମଧ୍ୟରୁ ୨୧୦୦ କୃଷକଙ୍କ ଋଣ ପରିଶୋଧ କରାଗଲା ।’
ଏହି କାର୍ଯ୍ୟକ୍ରମ ର କିଛି ଫଟୋ ଅମିତାଭ ବଚ୍ଚନ ନିଜ ବ୍ଲଗରେ ସେୟାର କରିଛନ୍ତି । ଫଟୋରେ ଅମିତାଭ ବଚ୍ଚନଙ୍କ ସହିତ ପୁଅ ଅଭିଷେକ ବଚ୍ଚନ ଏବଂ ଝିଅ ଶ୍ୱେତା ନନ୍ଦା ମଧ୍ୟ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମର ଶେଷରେ ଅମିତାଭ ବଚ୍ଚନ କୃଷକମାନଙ୍କ ସହିତ ଫଟୋ ଉଠାଇଥିଲେ ।
ଏହା ପ୍ରଥମଥର ନୁହେଁ ଯେ, ଅମିତାଭ ବଚ୍ଚନ କୃଷକଙ୍କ ଋଣ ପରିଶୋଧ କରିବା ପାଇଁ ଆଗକୁ ଆସିଛନ୍ତି । ଏହା ପୂର୍ବରୁ ସେ ଉତ୍ତର ପ୍ରଦେଶର ଏକ ହଜାରରୁ ଅଧିକ କୃଷକଙ୍କ ଋଣ ପରିଶୋଧ କରିଥିଲେ ।