ଜନ୍ମଦିନରେ ପତି ବିରାଟ କୋହଲିଙ୍କ ସହିତ ରୋମାଣ୍ଟିକ ଅନ୍ଦାଜରେ ନଜର ଆସିଲେ ଅନୁଷ୍ମା ଶର୍ମା, ଭିଡିଓ ଭାଇରାଲ
ବଲିଉଡ ଅଭିନେତ୍ରୀ ଅନୁଷ୍ମା ଶର୍ମା ଏବଂ ତାଙ୍କ ପତି ତଥା କ୍ରିକେଟର ବିରାଟ କୋହଲିଙ୍କ ଏକ ଫଟୋ ଏବଂ ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହି ଫଟୋ ଏବଂ ଭିଡିଓରେ ଦୁହେଁ ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି ।
ଅସଲରେ ଅନୁଷ୍ମା ନିକଟରେ ନିଜର ୩୧ ତମ ଜନ୍ମଦିନ ପାଳନ କରିଛନ୍ତି । ଏହି ଅବସରରେ ବିରାଟ କୋହଲି ଏକ ରୋମାଣ୍ଟିକ ଭିଡିଓ ସେୟାର କରି ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଭାଇରାଲ ହେଉଥିବା ଏହି ଫଟୋ ଏବଂ ଭିଡିଓରେ ଅନୁଷ୍ମା ଏବଂ ବିରାଟ ସମୁଦ୍ର କୂଳରେ ବସି କଥା ହେଉଥିବାର ନଜର ଆସିଛନ୍ତି ।
କହିରଖୁଛୁ ଯେ, ଅନୁଷ୍ମା ଏବଂ ବିରାଟ ୧୧ ଡିସେମ୍ବର ୨୦୧୭ରେ ବିବାହ କରିଥିଲେ । ଦୁହେଁ ଦେଶରେ ନୁହେଁ ବରଂ ବିଦେଶ (ଇଟାଲୀ)ରେ ପରସ୍ପରର ହାତ ଧରିଥିଲେ । ଏହି ବିବାହରେ ଦୁହିଁଙ୍କ ପରିବାର ସମେତ କିଛି ବନ୍ଧୁ ଉପସ୍ଥିତ ଥିଲେ । ଏହି ବିବାହରେ ମିଡିଆକୁ ଦୂରରେ ରଖାଯାଇଥିଲା ।
