୨୫ ଜୁନ ମଙ୍ଗଳବାର ବ୍ରେକ ଡ୍ୟାନ୍ସର ବାଦଶାହ ଏବଂ ହଲିଉଡର ପ୍ରସିଦ୍ଧ ସିଙ୍ଗର ମାଇକେଲ ଜ୍ୟାକସନଙ୍କ ୧୦ମ ପୂର୍ଣ୍ଣତିଥି ଥିଲା । ମାଇକେଲ ଜ୍ୟାକସନ ୨୫ ଜୁନରେ ୨୦୦୯ରେ ଏହି ଦୁନିଆକୁ ଅଲବିଦା କରିଥିଲେ । ମାଇକେଲ ଜ୍ୟାକସନଙ୍କ ମନେ ପକାଇ ବଲିଉଡ ଅଭିନେତା ଟାଇଗର ଶ୍ରଫ ଅନୋଖା ଭାବରେ ଶ୍ରଦ୍ଧାଞ୍ଜଳୀ ଦେଇଛନ୍ତି ।
ଟାଇଗର ଶ୍ରଫ ନିଜ ସୋସିଆଲ ମିଡିଆରେ ଏକ ଭିଡିଓ ସେୟାର କରି ମାଇକେଲ ଜ୍ୟାକସନଙ୍କୁ ମନେ ପକାଇଛନ୍ତି । ଏହି ଖାସ ଭିଡିଓରେ ଟାଇଗର ରଣବୀର ସିଂଙ୍କ ଫିଲ୍ମ ପଦ୍ମାବତର ଗୀତ ଖଳିବଲିରେ ଜ୍ୟାକସନଙ୍କ ଷ୍ଟାଇଲରେ ଡ୍ୟାନ୍ସ କରୁଥିବାର ନଜର ଆସିଛନ୍ତି ।
ଟାଇଗର ଶ୍ରଫଙ୍କ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଫ୍ୟାନ୍ସ ମଧ୍ୟ ଏହି ଟ୍ରିବ୍ୟୁଟକୁ ଖୁବ ପସନ୍ଦ କରିଛନ୍ତି । ଭିଡିଓ ସେୟାର କରି ଟାଇଗର କ୍ୟାପସନରେ ଲେଖିଥିଲେ, ‘ବିଶ୍ୱାସ ହେଉନାହିଁ ୯ବର୍ଷ ବିତି ଗଲାଣି । ମୋର ବିଶ୍ୱାସ ଥିଲା ଖିଲିଜୀ ମଧ୍ୟ ଆପଣଙ୍କୁ ନିଜ ଆସନ ଦେଇଥାନ୍ତା ।’