‘ଦବଙ୍ଗ ୩’ରେ ଭାଇଜାନ ସଲମାନ ଖାନଙ୍କ ସହିତ ଠୁମକା ଲଗାଇବେ ମୌନୀ ରୟ, ଏହି ଦିନରୁ ଆରମ୍ଭ ହେବ ସୁଟିଂ

ବଲିଉଡ ଅଭିନେତା ସଲମାନ ଖାନ ଫିଲ୍ମ ‘ଭାରତ’ ପରେ ‘ଦବଙ୍ଗ ୩’ରେ ନଜର ଆସିବେ । ଗତ କିଛି ଦିନରୁ ସଲମାନ ଖାନ ‘ଦବଙ୍ଗ ୩’କୁ ନେଇ ଖୁବ ଚର୍ଚ୍ଚାରେ ଅଛନ୍ତି । ଫିଲ୍ମ ର ସୁଟିଂ ଏବେ ମୁମ୍ବାଇରେ ଆରମ୍ଭ ହୋଇ ସାରିଥିବା ବେଳେ ଫିଲ୍ମକୁ ନେଇ ଏକ ନୂଆ ଖବର ସାମ୍ନାକୁ ଆସିଛି ।

ଖବର ଅନୁସାରେ ଫିଲ୍ମ ଦବଙ୍ଗ ୩ରେ ଅଭିନେତ୍ରୀ ମୌନୀ ରୟ ସଲମାନଙ୍କ ସହିତ ଠୁମକା ଲଗାଉଥିବାର ନଜର ଆସିବେ । ଦୁହେଁ ଫିଲ୍ମର ଏକ ସ୍ପେଶାଲ ନମ୍ବରରେ ନଜର ଆସିବେ । ସଲମାନ ଖାନ ଏବଂ ମୌନୀ ରୟ ଖୁବ ଶୀଘ୍ର ଏହି ଗୀତର ସୁଟିଂ ଆରମ୍ଭ କରିବେ ବୋଲି ଶୁଣିବାକୁ ମିଳିଛି । ଏହି ଗୀତର ସୁଟିଂ ପାଇଁ ମୁମ୍ବାଇର ୱେଷ୍ଟ ଷ୍ଟୁଡିଓରେ ଏକ ସେଟ ପ୍ରସ୍ତୁତ କରାଯାଇଛି । ଆଗାମୀ ସପ୍ତାହରୁ ଏହି ଗୀତର ସୁଟିଂ ଆରମ୍ଭ ହେବ । କିନ୍ତୁ ଏପର୍ଯ୍ୟନ୍ତ ମେକର୍ସ ଏହା ବିଷୟରେ କୌଣସି ସୂଚନା ଦେଇନାହାଁନ୍ତି ।

ନିକଟରେ ପିଲ୍ମର ପ୍ରଥମ ସିଡ୍ୟୁଲ ମଧ୍ୟ ପ୍ରଦେଶରେ ପୂରା କରିଥିଲେ । ଏହାର କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଫିଲ୍ମକୁ ପ୍ରଭୂଦେବା ନିର୍ଦ୍ଦେଶନା ଦେଉଛନ୍ତି । ଫିଲ୍ମରେ ସଲମାନ ଖାନଙ୍କ ଅପୋଜିଟରେ ସୋନାକ୍ଷୀ ସିହ୍ନା ନଜର ଆସିବେ । ଫିଲ୍ମ ୨୦ ଡିସେମ୍ବର ୨୦୧୯ରେ ରିଲିଜ ହେବ ।