Only for Entertainment

 ‘ରୁସ୍ତମ’ ଲେଖକଙ୍କୁ ମିଳିଲା ଲିଗାଲ ନୋଟିସ, ଧାର୍ମିକ ଭାବନାକୁ ଆହତ କରିବାର ଲାଗିଛି ଆରୋପ!

Zee News
8

ରୁସ୍ତମ ଫେମ ଲେଖକ ବିପୁଲ କେ. ରାୱଲଙ୍କ ନିର୍ଦ୍ଦେଶନାରେ ପ୍ରସ୍ତୁତ ପ୍ରଥମ ଫିଲ୍ମ ‘ଟୋନୀ’ ରିଲିଜ ନହେଉ ମୁମ୍ବାଇର ଓକିଲ ହରିଶଚନ୍ଦ୍ର ସୋମେଶ୍ୱର ଲିଗାଲ ନୋଟିସ ପଠାଇଛନ୍ତି । ଓକିଲଙ୍କ କହିବା ଅନୁସାରେ ଫିଲ୍ମର ପୋଷ୍ଟର ଇଶାଇ ସମୁଦାୟର ଧାର୍ମିକ ଭାବନାକୁ ଆଘାତ ପହଁଚାଇଛି ।

ପୋଷ୍ଟରରେ ପବିତ୍ର କ୍ରାସର ଫେଟା ଦେଖିବାକୁ ମିଳିଛି ଯେଉଁ ଥିରେ ଏକ କଟା ହାତରେ ଶିଙ୍କୁଳି ବନ୍ଧା ହୋଇଥିବାର ନଜର ଆସିଛି । ନୋଟିସରେ ଲେଖା ହୋଇଛି ଯେ ନିର୍ମାତା ଏହି ଛବିକୁ ଅନୈତିକ ଭାବେ ବ୍ୟବହାର କରିଛନ୍ତି ଏହା ସହିତ କ୍ୟାଥୋଲିକ ସମୁଦାୟର ଭାବନାକୁ ଆହତ ପହଁଚାଇଛନ୍ତି ।

ନୋଟିସ ମିଳିବା ପରେ ରାୱଲ କହିଛନ୍ତି, ‘ମୋ ଫିଲ୍ମ ଏକ କ୍ୟାଥୋଲିକ ସିରିଏଲ କିଲର ଉପରେ ଆଧାରିତ । ମୁଁ ପୋଷ୍ଟରରେ ପବିତ୍ର କ୍ରାସ ଚିହ୍ନକୁ ବ୍ୟବହାର କରିଛି । କାରଣ ଏହା ସହିତ ମୋ ଫିଲ୍ମର ସମ୍ପର୍କ ରହିଛି । ’

ଏହା ସହିତ ରାୱଲ କହିଛନ୍ତି, ‘ମୁଁ କାହାର ଧାର୍ମିକ ଭାବନାକୁ ଆହତ କରିନାହିଁ । ଏହା କେବଳ ଲୋକଙ୍କ ଦୃଷ୍ଟିକୋଣ ସେମାନେ ଏହାକୁ କିପରି ଦେଖୁଛନ୍ତି । ମୁଁ ପୋଷ୍ଟରରେ କୌଣସି ପରିବର୍ତ୍ତନ କରିବି ନାହିଁ । ଯଦି ଲୋକଙ୍କର ସମସ୍ୟା ହେଉଛି ତେବେ ଆମେ ଏହାକୁ ନେଇ କଥା ହେବୁ ।’

‘ଟୋନୀ’ର କାହଣୀ ଚାରିଜଣ ମନୋବିଜ୍ଞାନ ଛାତ୍ରଙ୍କ ଉପରେ ଆଧାରିତ । ଏହି ଚାରିଜଣେ ଛାତ୍ର ଚର୍ଚ୍ଚର କନଫେସନ ବକ୍ସରେ କ୍ୟାମେରା ଲଗାଇ ସିରିଅଲ କିଲର ଟୋଲୀକୁ ଧରିଥାନ୍ତି । ଫିଲ୍ମ ୨୯ ନଭେମ୍ବରରେ ରିଲିଜ ହେବ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More