‘ଜର୍ସୀ’ ପାଇଁ ପ୍ରସ୍ତୁତି ଆରମ୍ଭ କଲେ ସାହିଦ, ସାମ୍ନାକୁ ଆସିଲା ପ୍ରଥମ ଫଟୋ
ବଲିଉଡ ଅଭିନେତା ସାହିଦ କପୁର ତେଲୁଗୁ ‘ଜର୍ସୀ’ର ହିନ୍ଦୀ ରିମେକ ପାଇଁ ପ୍ରସ୍ତୁତି ଆରମ୍ଭ କରିସାରିଛନ୍ତି । ଏଖିପାଇଁ ସାହିଦ ଖୁବ ପରିଶ୍ରମ ମଧ୍ୟ କରୁଛନ୍ତି । ସାହିଦ ଫିଲ୍ମରେ ନିଜ ଭୂମିକାକୁ ନ୍ୟାୟ ଦେବା ପାଇଁ କ୍ରିକେଟ କୋଚିଂ ଆରମ୍ଭ କରିଦେଇଛନ୍ତି । ଫିଲ୍ମରେ ସାହିଦ ଜଣେ କ୍ରିକେଟର ଭୂମିକାରେ ନଜର ଆସିବେ । ଏହି ଫିଲ୍ମ ବିଷୟରେ ସାହିଦ କହିଛନ୍ତି, ‘କବିର ସିଂ ପରେ ମୋତେ ଚିନ୍ତା କରିବା ପାଇଁ ସମୟ ଲାଗିଥିଲା ମୁଁ ଏହି ଫିଲ୍ମ କରିବା ଦରକାର କି ନାହିଁ । କିନ୍ତୁ ମୁଁ ଜର୍ସୀ ଫିଲ୍ମ ଦେଖିବା ପରେ ବୁଝିପାରିଲି ଏହା ମୋର ଆଗାମୀ ଫିଲ୍ମ ହେବ । ଏହା ଏକ ସୁନ୍ଦର ଫିଲ୍ମ ଏବଂ ଏପରି ଜଣେ ବ୍ୟକ୍ତିଙ୍କ କାହାଣୀ ଯେ ମୋ ସହିତ ମେଳ ଖାଉଛନ୍ତି ।’
ଫିଲ୍ମ ପାଇଁ ସାହିଦ ଏବେ କ୍ରିକେଟ କୋଚିଂ ନେବା ଆରମ୍ଭ କରିସାରିଥିବା ବେଳେ ଆଗାମୀ ମାସରୁ ଚଣ୍ଡିଗଢରେ ଏହାର ସୁଟିଂ ଆରମ୍ଭ ହେବ । ଶୁଣିବାକୁ ମିଳୁଛି ଯେ, ଫିଲ୍ମରେ ସାହିଦଙ୍କ ଅପୋଜିଟରେ ମୃଣାଳ ଠାକୁର ନଜର ଆସିବେ । ଫିଲ୍ମ ‘ଜର୍ସୀ’ର ନିର୍ଦ୍ଦେଶନା ଦେବେ ଗୌତମ ଚିତ୍ରାନାଉରୀ । ଫିଲ୍ମର ଓରିଜିନାଲ ଭର୍ସନକୁ ମଧ୍ୟ ସେ ନିର୍ଦ୍ଦେଶନା ଦେଇଥିଲେ । ଫିଲ୍ମ ଆଗାମୀ ବର୍ଷ ୨୮ ଅଗଷ୍ଟରେ ରିଲିଜ ହେବ ।
