ବଲିଉଡ ପରଫେକ୍ସନିଷ୍ଟ ଆମିର ଖାନଙ୍କୁ ନେଇ ଏବେ ଏକ ବଡ ଖବର ସାମ୍ନାକୁ ଆସିଛି । ଫିଲ୍ମ ‘ଠଗ୍ସ ଅଫ ହିନ୍ଦୋସ୍ତାନ’ ଅସଫଳ ହେବା ପରେ ଆମିର ଖାନ ଛୋଟ ପରଦାରେ ଧମାକାଦାର ଏଣ୍ଟ୍ରି କରିବାକୁ ଯାଉଛନ୍ତି । ମିଳିଥିବା ସୂଚନା ଅନୁସାରେ ଆମିର ‘ତୁଫାନ ଆଲୟ’ ଜରିଆରେ ଛୋଟ ପରଦାକୁ ଫେରୁଛନ୍ତି । ସବୁଠାରୁ ଖାସ କଥା ହେଉଛି ଯେ, ଏହି ଶୋ’ରେ ଆମିରଙ୍କ ସହିତ ତାଙ୍କ ପତ୍ନୀ କିରଣ ରାଓ ମଧ୍ୟ ନଜର ଆସିବେ । ଦୁହେଁ ମିଶି ଏହି ଶୋ’କୁ ହୋଷ୍ଟ କରିବେ ।
ଆମିର ଖାନ ଏହି ଶୋ’ ସହ ଜଡିତ ଏକ ଭିଡିଓ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହି ଭିଡିଓ ରେ ଆମିର ‘ତୁଫାନ ଆଲୟ’ ବିଷୟରେ ସୂଚନା ଦେଉଥିବାର ଦେଖିବାକୁ ମିଳିଛି । ଖବର ଅନୁସାରେ ଏ ହି ଶୋ’ ପାଣି ପାଉଣ୍ଡେସନ ଉପରେ ଆଧାରିତ । ଏହି ଶୋ’ଜରିଆରେ ଦେତ୍କବାକୁ ମିଳିବ କି ମହାରାଷ୍ଟ୍ରର କିଛି ଅଂଚଳରେ ଲୋକେ କିପରି ସଫା ପାଣି ପାଇଁ ବ୍ୟାକୁଳ ହେଉଛନ୍ତି । ଏହି ଶୋ’ରେ ବିଭିନ୍ନ ଗାଁର କାହଣୀ ସବୁ ଦେଖିବାକୁ ମିଳିବ । ଆଶା କରାଯାଉଛି ଯେ, ଆମିର ଖାନଙ୍କ ଏହି ପ୍ରୟାସ ସଫଳ ହେବ ଏବଂ ଲୋକଙ୍କ କଷ୍ଟ ଦୂର ହେବ ।