ବଲିଉଡ ଅଭିନେତା ଅର୍ଜୁନ କପୁର ନିଜ ଶରୀରରେ ଦ୍ୱିତୀୟ ଟାଟୁ କରାଇଛନ୍ତି । ସୋସିଆଲ୍ ମିଡିଆରେ ଟାଟୁ କରିବାର ଭିଡିଓ ସେୟାର୍ କଲେ ଅଭିନେତା ଅର୍ଜୁନ୍ କପୁର୍ । ‘ପର୍ ଆର୍ଡୁଆ ଆଡ୍ ଆଷ୍ଟ୍ରା’ । ଲାଟିନ୍ ଭାଷାର ଏହି ପଂକ୍ତିକୁ ନିଜ ହାତରେ ଖୋଦାଇଛନ୍ତି ବଲିଉଡ୍ ଇସକଜାଦେ । ଯାହାର ଅର୍ଥ ହେଉଛି – କଷ୍ଟରୁ ଉଠି ତାରକା ହେବା । ଏହି ଭିଡିଓକୁ ନିଜ ସୋସିଆଲ୍ ମିଡିଆରେ ସେୟାର୍ କରିବା ସହ ଅର୍ଜୁନ୍ ଲେଖିଛନ୍ତି, ମୁଁ ଅନେକ ଦିନରୁ ଆଉ ଏକ ଟାଟୁ କରିବି ବୋଲି ଚିନ୍ତା କରି ଆସୁଥିଲା । ଆଉ ଏହାଠାରୁ ଭଲ ମତେ କିଛି ମିଳିଲା ନାହିଁ ।
ସୋମବାର ଅର୍ଜୁନ ଏହି ନୂଆ ଟାଟୁର ଫଟୋ ସୋସିଆଲ ମିଡିଆରେ ସେୟାର କରିଥିଲେ । ବାମ ହାତରେ ବାହରୁରେ ଅର୍ଜୁନ ଏହି ଟାଟୁ କରିଛନ୍ତି । ଫଟୋ ପରେ ଅର୍ଜୁନ ଏବେ ଟାଟୁ ମେକିଂ ଭିଡିଓ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
କହିରଖୁଛୁ ଯେ, ଅର୍ଜୁନ ଏବେ ମଲାଇକା ଅରୋରାଙ୍କ ସହିତ ଲିଙ୍କଅପ ଖବରକୁ ନେଇ ଚର୍ଚ୍ଚାରେ ଅଛନ୍ତି । ଅନେକ ସମୟରେ ଏହି ଲଭ ବାର୍ଡସଙ୍କୁ ଏକାଠି ଦେଖିବାକୁ ମିଳେ । ଫିଲ୍ମ ବିଷୟରେ କହିବାକୁ ଗଲେ ଅର୍ଜୁନ ଏବେ ଫିଲ୍ମ ‘ପାନୀପତ’ର ସୁଟିଂରେ ବ୍ୟସ୍ତ ଅଛନ୍ତି । ଶେଷ ଥର ପାଇଁ ସେ ଇଣ୍ଡିଆଡ ମୋଷ୍ଟ ୱାଣ୍ଟେଡ ଫିଲ୍ମରେ ନଜର ଆସିଥିଲେ ।
