ଅଭିନେତ୍ରୀ ମିଶା ସଫିଙ୍କ ଉପରେ ୧୦୦କୋଟି ଟଙ୍କାର ମାନହାନି ମକଦ୍ଦମା କଲେ ଅଲ୍ଲୀ ଜଫର

ପାକିସ୍ତାନୀ ଗାୟିକା ଏବଂ ଅଭିନେତ୍ରୀ ମିଶା ସଫି କିଛି ଦିନ ତଳେ ବଲିଉଡ଼ର ଜଣା ଶୁଣା ଅଭିନେତା ଅଲ୍ଲୀ ଜଫରଙ୍କ ଉପରେ ଯୌନ ଶୋଷଣର ଅରୋପ ଲାଗାଇଥିଲେ । ଯାହା ଉପରେ ଏବେ ଅଲ୍ଲୀ ନିଜର ପ୍ରତିକ୍ରିୟା ରଖିଛନ୍ତି । ମିଶାଙ୍କୁ ଉଚିତ୍‌ ଜବାବ ଦେବା ପାଇଁ ପାକିସ୍ତାନ କୋର୍ଟରେ ମିଶାଙ୍କ ବିରୋଧରେ ୧୦୦କୋଟି ଟଙ୍କାର ମାନହାନି ମକଦ୍ଦମା କରିଥିବା ଜଣା ପଡ଼ିଛି ।

ଅଲ୍ଲୀ ଜଫର କହିଛନ୍ତି, ମିଶା ସସ୍ତା ଲୋକପ୍ରିୟତା ପାଇଁ ମୋ ନାଁର ବ୍ୟବହାର କରିଥିଲେ । ସମସ୍ତଙ୍କ ପାଖରେ ପରିଚିତ ହେବା ପାଇଁ ସେ ମୋ ବିରୋଧରେ ଏଭଳି ମିଥ୍ୟା ଆରୋପ ଲାଗାଇଥିଲେ । ସୂଚନା ମୁତାବକ, #metoo କ୍ୟାମ୍ପେନ୍‌ କରିବା ସମୟରେ ମିଶା ନିଜ ସହ ହୋଇଥିବା ଯୌନ ଶୋଷଣ ବିଷୟରେ ସମସ୍ତଙ୍କୁ ଜଣାଇଥିଲେ । ଅଲ୍ଲୀ ଜଫରଙ୍କ ଫଟୋ ଅପ୍‌ଲୋଡ଼ କରି ଅଲ୍ଲୀ ତାଙ୍କ ସହ ଯୌନ ଅସଦାଚରଣ କରିଥିଲେ ବୋଲି ଲେଖିଥିଲେ । ଦୁଇ ଜଣ ଏକା ସାଙ୍ଗରେ ସଙ୍ଗୀତ ପରିବେଶଣ କରୁଥିବା ବେଳେ ଅଲ୍ଲୀ ତାଙ୍କ ସହ ଯୌନ ଅସଦାଚରଣ କରିଥିଲେ ବୋଲି ମିଶା ଅଭିଯୋଗ କରିଥିଲେ । ଏହି ଅଭିଯୋଗ ପରେ ଅଲ୍ଲୀଙ୍କ ଚରିତ୍ରକୁ ନେଇ ତୀବ୍ର ନିନ୍ଦା କରାଯାଇଥିଲା ।