ଅଳିଆ ଫିଙ୍ଗିବାକୁ ନେଇ ଗାଳି ଶୁଣିଥିବା ଯୁବକ ଜଣଙ୍କ ବିରାଟ-ଅନୁଷ୍କାଙ୍କୁ ପଠାଇଲେ ଲିଗାଲ ନୋଟିସ, ବଢିପାରେ ସମସ୍ୟା
ରାସ୍ତାରେ ଅଳିଆ ପକାଇବାରୁ ଅଭିନେତ୍ରୀ ଅନୁଷ୍କାଙ୍କ ଠାରୁ ଗାଳି ଶୁଣିଥିବା ବ୍ୟକ୍ତି ଏବଂ ଏହା ପରେ ବିରାଟ କୋହଲିଙ୍କ ଦ୍ୱାରା ସୋସିଆଲ ମିଡିଆରେ ଅପଲୋଡ କରାଯାଇଥିବା ଭିଡିଓ କାରଣରୁ ଚର୍ଚ୍ଚାକୁ ଆସିଥିବା ବ୍ୟକ୍ତି ଜଣଙ୍କ ଏବେ ବିରାଟ-ଅନୁଷ୍କାଙ୍କୁ ଲିଗାଲ ନୋଟିସ ପଠାଇଛନ୍ତି ।
ଖବର ଅନୁସାରେ ପାର୍ଟ ଟାଇମ ଅଭିନେତା ଅରହାନ ସିଂ ସୋସିଆଲ ମିଡିଆରେ ଥିବା ବିରାଟ-ଅନୁଷ୍କାଙ୍କ ଲକ୍ଷ ଲକ୍ଷ ଫ୍ୟାନ୍ସଙ୍କ ସାମ୍ନାରେ ତାଙ୍କୁ ବଦନାମ କରିବାରୁ ସେ ଶନିବାର ଦିନ ଏହି ଷ୍ଟାର କପଲଙ୍କୁ ଲିଗାଲ ନେଟିସ ପଠାଇଛନ୍ତି ।
Saw these people throwing garbage on the road & pulled them up rightfully. Travelling in a luxury car and brains gone for a toss. These people will keep our country clean? Yeah right! If you see something wrong happening like this, do the same & spread awareness. @AnushkaSharma pic.twitter.com/p8flrmcnba
— Virat Kohli (@imVkohli) June 16, 2018
ଅରହାନ ଏକ ନ୍ୟୁଜ ଚ୍ୟାନେଲକୁ ମେସେଜ କରି କହିଥିଲେ, ମୋ ଲିଗାଲ ଆଡଭାଇଜର ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କୁ ନେଟିସ ପଠାଇଛନ୍ତି । କାରଣ ଏବେ ତାଙ୍କ ପକ୍ଷରେ ସବୁକିଛି ରହିଛି । ସେଥିପାଇଁ ମୁଁ ଏହି ବିଷୟରେ ଏବେ କିଛି ଟିପ୍ପଣୀ ଦେବାକୁ ଚାହୁଁନାହିଁ । ଏହା ଉଚିତ ରହିବ ଯେ ମୁଁ ତାଙ୍କ ଜବାକୁ ଅପେକ୍ଷା କରିବି ।
ସୂଚନାଯୋଗ୍ୟ ଯେ, ରାସ୍ତାରେ ଅଳିଆ ପକାଇବାକୁ କିଛି ଦିନ ପୂର୍ବେ ଅନୁଷ୍କା ଜଣେ ଅଜଣା ଯୁବକଙ୍କୁ ଗାଳି କରିଥିଲେ । ଏହା ପରେ ଯୁବକ ଜଣଙ୍କ ଫେସବୁକ ପୋଷ୍ଟ ଜରିଆରେ ନିଜ ପରିଚୟ ଦେବା ସହିତ ବିରାଟ ଅନୁଷ୍କା ସସ୍ତା ଲୋକପ୍ରିୟତା ପାଇବା ପାଇଁ ଏପରି କରୁଛନ୍ତି ବୋଲି ଆରୋପ ଲଗାଇଥିଲ । ତେବେ ଦେଖାଯାଉ ଏହି ମାମଲା ଆଗକୁ କେଉଁ ରୂପ ନେଉଛି ।