ଜନ୍ମଦିନରେ ସଲମାନ ଖାନଙ୍କୁ ମିଳିବ ବଡ ସରପ୍ରାଇଜ! ପୁଣିଥରେ ହେବେ ମାମୁଁ
ସଲମାନ ଖାନଙ୍କ ଭଉଣୀ ଅର୍ପିତା ଖାନ ଶର୍ମା ଏବଂ ଆୟୁଷ ଶର୍ମା ବଡ ଧୁମଧାମରେ ପଂଚମ ବିବାହ ବାର୍ଷିକ ପାଳନ କରିଛନ୍ତି । ଅର୍ପିତାଙ୍କ ପୁଅ ଆହିଲଙ୍କ ସହିତ ସଲମାନ ଖାନଙ୍କର ଖୁବ ଖାସ ବଣ୍ଡିଂ ରହିଛି । ଏବେ ଆହିଲ ବଡ ଭାଇ ହେବାକୁ ଯାଉଛନ୍ତି । ସଲମାନଙ୍କ ଜନ୍ମଦିନ ପାଇଁ ଏହା ଏକ ବଡ ଉପହାର ହେବ ବୋଲି ଆଶା କରାଯାଉଛି ।
ଅର୍ପିତା ଏବଂ ଆୟୁଷ ଏବେ ଦ୍ୱିତୀୟ ଛୁଆକୁ ସ୍ୱାଗତ କରିବା ପାଇଁ ପ୍ରସ୍ତୁତ ହେଉଛନ୍ତି । ବିବାହ ବାର୍ଷିକରେ ଅର୍ପିତା ନିଜ ବେବି ବମ୍ପକୁ ଫ୍ଲନ୍ଟ କରିଥିଲେ । ଆହିଲଙ୍କ ସହିତ କପଲ ମାଲଦୀପ ଯାଇ ଛୁଟି ମଧ୍ୟ ନିକଟରେ କଟାଇଥିଲେ । ଖବର ଅନୁସାରେ ଆଗାମୀ ମାସରେ ଅର୍ପିତାଙ୍କ ଡେଲିଭରୀ ହେବ ବୋଲି ଖବର ଆସିଛି ।
ଏହା ମଧ୍ୟ ଶୁଣିବାକୁ ମିଳୁଛି ଯେ, ଅର୍ପିତା ସଲମାନଙ୍କ ଜନ୍ମଦିନ ଅର୍ଥାତ ୨୭ ଡିସେମ୍ବରରେ ବେବିକୁ ଜନ୍ମ ଦେଇପାରନ୍ତି । ଏପରିକି ଅର୍ପିତା ସୁପରଷ୍ଟାର ସଲମାନଙ୍କ ଜନ୍ମଦିନରେ ହିଁ ହସ୍ପିଟାଲରେ ଡେଲିଭରୀ ପାଇଁ ବୁକିଂ କରିସାରିଛନ୍ତି । ତେବେ ଦେଖିବାକୁ ବାକି ରହିଲା ସଲମାନ ଜନ୍ମଦିନର ଏହି ଖାସ ଉପହାର ପାଇଁ କେତେ ଉତ୍ସାହିତ ଅଛନ୍ତି ।