ସାମାନ୍ୟ ଭଲ ହେବା ପରେ ପୁଣି କର୍କଟ ରୋଗର ଶୀକାର ହେଲେ ଆୟୁଷ୍ମାନଙ୍କ ପତ୍ନୀ ।
ଆୟୁଷ୍ମାନ ଖୁରାନାଙ୍କ ପତ୍ନୀ ତାହିରା କଶ୍ୟପଙ୍କ ଶାରୀରିକ ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି । ପୂର୍ବରୁ ତାହିରା କଶ୍ୟପ ସ୍ତନ କର୍କଟ ରୋଗରେ ପୀଡ଼ିତ ଥିବା ଖବର ମିଳିଥିବା ବେଳେ ସେ ନିଜର ଚିକିତ୍ସା କରାଇ ଭଲ ହେଉଥିବା ଜଣାପଡ଼ିଥିଲା । କିନ୍ତୁ ଏବେ ପୁଣି ଥରେ ସେ କର୍କଟ ରୋଗର ଶିକାର ହୋଇଥିବା ସୂଚନା ମିଳିଛି । ଏ ନେଇ ତାହିରା ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଦୁଃଖ ପ୍ରକାଶ କରିବା ପରେ ଖବରଟି ସାମ୍ନାକୁ ଆସିଛି ।
ସେପ୍ଟେମ୍ବର ମାସରେ ତାଙ୍କ ଶରୀରରେ କର୍କଟ ରୋଗ ଆରମ୍ଭ ହେଉଥିବା ଜାଣି ତାହିରା ନିଜର ଚିକିତ୍ସା କରାଇ ନେଇଥିବା କହିଥିଲେ । କିନ୍ତୁ ଏବେ ତାଙ୍କ କର୍କଟ ରୋଗ ଷ୍ଟେଜ୍ ‘ଫାଷ୍ଟ ଏ’ ରେ ପହଞ୍ଚି ଯାଇଥିବା ସେ ଟୁଇଟ୍ କରି ଜଣାଇଛନ୍ତି ।
“ଏବେ ମୋର ୧୨ଟି କେମୋ ସେସେନରୁ ୬ଟି ହୋଇ ସାରିଛି । ଆଉ ୬ଟି ହେବାର ଅଛି । ଏହି ପୋଷ୍ଟ ମୋ ଯାତ୍ରା ପାଇଁ ସମର୍ପିତ । ଯେଉଁଠି ଜୀବନର ଅଧା ଯୁଦ୍ଧ ମୁଁ ଜିତି ସାରିଛି । ଆଉ ଅଧା ମୁଁ ସେମାନଙ୍କ ସହ ଲଢ଼ିବାକୁ ଚାହୁଁଛି,ଯେଉଁମାନେ ମୋ ଭଳି ପରିସ୍ଥିତି ଦେଇ ଗତି କରୁଛନ୍ତି । ମଜବୁତ୍ ହୁଅ, ଆମେ ଏଥିରୁ ବାହାରିବା । ଏହା ସହ ମୁଁ ମୋ ଆଖପାଖରେ ଥିବା ଲୋକମାନଙ୍କୁ ଧନ୍ୟବାଦ୍ ଜଣାଇବି । ଯେଉଁମାନେ ମୋ ସହ ରହି ଆସିଛନ୍ତି” ବୋଲି କହିଛନ୍ତି ତାହିରା ।