ଅକ୍ଷୟ କୁମାରଙ୍କ ଫିଲ୍ମ ‘ଦୁର୍ଗାବତୀ’ରେ ନଜର ଆସିବେ ଭୂମି ପେଡନେକର, ଫଟୋ ସେୟାର କରି କଲେ ଘୋଷଣା
ଅଭିନେତ୍ରୀ ଭୂମି ପେଡନେକର ଖୁବ ଶୀଘ୍ର ଭୟଙ୍କର ଥ୍ରିଲର ଫିଲ୍ମ ‘ଦୁର୍ଗାବତୀ’ରେ ନଜର ଆସିବେ । ଏହି ଫିଲ୍ମ ବଲିଉଡ ଷ୍ଟାର ଅକ୍ଷୟ କୁମାରଙ୍କ ଦ୍ୱାରା ନିର୍ମାଣ କରାଯାଉଛି । ଏହାର ସୂଚନା ଭୂମି ପେଡନେକରଙ୍କ ସହିତ ଅକ୍ଷୟ କୁମାର ନିଜ ସୋସିଆଲ ମିଡିଆ ଆକାଉଣ୍ଟରେ ଦେଇଛନ୍ତି ।
ଫିଲ୍ମର ଘୋଷଣା କରି ଭୂମି ଲେଖିଛନ୍ତି, ଆପଣଙ୍କ ସହିତ ଏହାକୁ ସେୟାର କରିବା ପାଇଁ ଖୁବ ଅପେକ୍ଷା ଥିଲା । ମୋ ଆଗାମୀ ଫିଲ୍ମ ଦୁର୍ଗାବତୀ । ଏହା ଏକ ଭୟଙ୍କର ଥ୍ରିଲର ଫିଲ୍ମ । ଏହାର ସୁଟିଂ ଜାନୁଆରୀରୁ ମଧ୍ୟ ଭାଗରୁ ଆରମ୍ଭ ହେବ ।
ଏହା ସହିତ ଭୂମି ଲେଖିଥିଲେ, ମୋ ଉପରେ ଭରସା କରିଥିବାକୁ ଆପଣଙ୍କୁ ବହୁତ ବହୁତ ଧନ୍ୟବାଦ ଅକ୍ଷୟ କୁମାର ସାର । ଆପଣଙ୍କ ସମସ୍ତଙ୍କ ଆଶୀର୍ବାଦ ଆବଶ୍ୟକ ।
ଫିଲ୍ମର ନିର୍ଦ୍ଦେଶନା ଅଶୋକ କରିବେ। ଫିଲ୍ମର ଘୋଷଣା ନିଆରା ଭାବେ ଫଟୋ ସେୟାର କରି କରାଯାଇଛି । ଫଟୋରେ ଭୂମି ହିରୋ ଭାବେ ନଜର ଆସିଥିବା ବେଳେ ଅକ୍ଷୟ କୁମାର ଏବଂ ଭୂଷଣ କୁମାର ନିର୍ମାତା ଭାବେ ନଜର ଆସିଛନ୍ତି ।