ସଚିନ ଏବଂ ଧୋନଙ୍କ ପରେ ନିର୍ମାଣ ହେବାକୁ ଯାଉଛି ସୌରଭ ଗାଙ୍ଗୁଲୀଙ୍କ ବାୟୋପିକ, ଏକତା କପୁର କରିବେ ପ୍ରଡ୍ୟୁସ
କ୍ରିକେଟର କପିଲ ଦେବଙ୍କ ବାୟୋପିକ ନିର୍ମାଣ ହେବାର ଚର୍ଚ୍ଚା କମିନଥିବା ବେଳେ ଏବେ ସୌରଭ ଗାଙ୍ଗୁଲୀଙ୍କ ଫ୍ୟାନ ମାନଙ୍କ ପାଇଁ ଖୁସି ଖବର । ଖୁବ ଶୀଘ୍ର ଦାଦାଙ୍କ ଜୀବନ ଏବଂ ତାଙ୍କ କାହାଣୀକୁ ବଡ ପରଦାରେ ଦେଖିବାକୁ ମିଳିବ । ଖବର ଅନୁସାରେ ଏକତା କପୁରଙ୍କ ବଲାଜୀ ଫିଲ୍ମସର ବ୍ୟାନରେ ଭାରତର ପୂର୍ବ କ୍ୟାପଟେନଙ୍କ ବାୟୋପିକ ନିର୍ମାଣ ହେବାକୁ ଯାଉଛି ।
କିଛି ଦିନ ପୂର୍ବେ ଏକତା କପୁର ଏବଂ ସୌରଭ ଗାଙ୍ଗୁଲୀ ଏହି ପ୍ରୋଜେକ୍ଟକୁ ନେଇ ଆଲୋଚନା କରିଥିଲେ । ଏହି ଫିଲ୍ମ ‘ଏ ସେଞ୍ଚୁରୀ ଇଜ ନଟ ଏନଫ’ ପୁସ୍ତକ ଉପରେ ଆଧାରିତ ହେବ । ସୌରଭ ଗାଙ୍ଗୁଲୀ ଏହି ପୁସ୍ତକର ସହ ଲେଖକ ଅଟନ୍ତି । ଫିଲ୍ମ ଆସିବା ପରେ ଭାରତୀୟ କ୍ରିକେଟ ଟିମର ସଫଳ କ୍ୟାପଟେନରେ ଗଣାଯାଉଥିବା ସୌରଭ ଗାଙ୍ଗୁଲୀଙ୍କ ଜୀବନ ଉପରେ ଲୋକେ ଆହୁରି ନିକଟରୁ ଜାଣିପାରିବେ ।
ସୌରଭ ଗାଙ୍ଗୁଲୀଙ୍କ ପୂର୍ବରୁ ପୂର୍ବ କ୍ରିକେଟର ସଚିନ ତେନ୍ଦୁଲକରଙ୍କ ଉପରେ ‘ସଚିନ ଏ ବିଲିୟନ ଡ୍ରିମସ’ ଏବଂ ମହେନ୍ଦ୍ର ସିଂ ଧୋନୀଙ୍କ ଉପରେ ‘ଏମଏସ ଧୋନୀ – ଦ ଅନଟୋଲ୍ଡ ଷ୍ଟୋରୀ’ ଏବଂ ଅଜହଋଦ୍ଦୀନ ଉପରେ ‘ଅଜହର’ ନିର୍ମାଣ କରାଯାଇଛି । ଏହା ବ୍ୟତିତ ମିଲଖା ସିଂ ଏବଂ ମେରୀ କମଙ୍କ ଉପରେ ମଧ୍ୟ ଫିଲ୍ମ ନିର୍ମାଣ କରାଯାଇଛି । ସେହିପରି ହକି ପ୍ଲେୟାର ସନ୍ଦୀପ ସିଂଙ୍କ ଉପରେ ନିର୍ମିତ ‘ସୁରମା’ ଖୁବ ଶୀଘ୍ର ପରଦାକୁ ଆସୁଛି ।
