୧୪ ନଭେମ୍ବର ଗୁରୁବାର ଅଭିନେତ୍ରୀ ଦୀପିକା ପାଦୁକୋନ ଏବଂ ରଣବୀର ସିଂ ପ୍ରଥମ ବିବାହ ବାର୍ଷିକ ପାଳନ କରୁଛନ୍ତି । ଏହି ଖାସ ଦିନକୁ ସେଲିବ୍ରେଟ କରିବା ପାଇଁ କପଲ ଆନ୍ଧ୍ର ପ୍ରଦେଶର ତିରୁପତି ଠାରେ ଅବସ୍ଥିତ ଭେଙ୍କେଟେଶ୍ୱର ମନ୍ଦିରରେ ପହଁଚିଛନ୍ତି । ଦୀପବୀର ନିଜର ପ୍ରଥମ ବିବାହ ବାର୍ଷିକରେ ଭଗବାନଙ୍କ ଆଶୀର୍ବାଦ ନେଇଛନ୍ତି । ଦୀପିକା-ରଣବୀରଙ୍କ ସହିତ ତାଙ୍କ ପରିବାର ସଦସ୍ୟ ମଧ୍ୟ ଦର୍ଶନ ପାଇଁ ଆସିଥିଲେ ।
ମନ୍ଦିର ପରିସରରରୁ ଦୀପିକା-ରଣବୀରଙ୍କ ଅନେକ ଫଟୋ ସାମ୍ନାକୁ ଆସିଛି । ଫଟୋରେ ଦୀପିକା-ରଣବୀର ନ୍ୟୁଲି ୱେଡ କପଲ ପରି ଦେଖାଯାଉଛନ୍ତି । ଦୀପିକା ଲାଲ ହେଭି ଟ୍ରାଡିସନାଲ ସାଢୀରେ ମଥାରେ ସିନ୍ଦୁର, ହେଭି ଗୋଲ୍ଡ ଜୁଏଲରୀରେ ନଜର ଆସିଛନ୍ତି । ସେହିପରି ରଣବୀର ହ୍ୱାଇଟ କୁର୍ତ୍ତା ପାଇଜାମାରେ ନଜର ଆସିଛନ୍ତି ।
ଦୀପିକା ପାଦୁକୋନ ଏବଂ ରଣବୀର ସିଂଙ୍କ ଏହି ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଫଟୋରେ ଦୁହେଁ ପରଫେକ୍ଟ କପଲ ପରି ଦେଖାଯାଉଛନ୍ତି ।
ରିପୋର୍ଟ ଅନୁସାରେ ତିରୁପତି ପରେ କପଲ ପଦ୍ମାବତୀ ଟେମ୍ପୁଲ ପରେ ଅମୃତସରର ଗୋଲଡେନ ଟେମ୍ପୁଲ ଯିବାର ପୋଗ୍ରାମ ରହିଛି । ୧୫ ନଭେମ୍ବର ଦୀପିବୀର ମୁମ୍ବାଇ ଫେରି ଆସିବେ ବୋଲି ସୂଚନା ମିଳିଛି ।