ଫାତିମା ସନା ଶେଖଙ୍କ ଉପରେ ଲାଗିଲା ପାକିସ୍ତାନକୁ ସମର୍ଥନ କରୁଥିବାର ଅଭିଯୋଗ, ଅଭିନେତ୍ରୀ ଏଭଳି ଦେଲେ କଡ଼ା ଜୱାବ
ସୋସିଆଲ ମିଡିଆରେ ଅଭିନେତା ହୁଅନ୍ତୁ ବା ଅଭିନେତ୍ରୀ ଟ୍ରୋଲ ହେବା କୌଣସି ବଡ଼ କଥା ନୁହେଁ । ପ୍ରତିଦିନ ଏହିଭଳି କିଛି ନା କିଛି ଖବର ଦେଖିବାକୁ ମିଳେ । ଏହି ଥର ଟ୍ରୋଲ ହୋଇଛନ୍ତି ଦଙ୍ଗଲ ଗର୍ଲ ଫାତିମା ସନା ଶେଖ୍ । ବାସ୍ତବରେ ୧୫ ଅଗଷ୍ଟ ସ୍ୱାଧୀନତା ଦିବସରେ ଫାତିମାଙ୍କ ଇଂଷ୍ଟାଗ୍ରାମ ପ୍ରୋଫାଇଲ ଫଟୋ ବ୍ଲାକ ହୋଇ ଯାଇଥିଲା । ଏହାପରେ ଫ୍ୟାନ ତାଙ୍କୁ ଟ୍ରୋଲ କରିବାକୁ ଲାଗିଲେ । କେହି କେହି କହିଲେ ପାକିସ୍ତାନକୁ ସମର୍ଥନ କରି ଫାତିମା ଏଭଳି ଡିପି ରଖିଛନ୍ତି ବୋଲି କହିଲେ ।
କଡ଼ା ଉତ୍ତର ଦେଇ ଫାତିମା କହିଲେ ସେ ଏଭଳି କିଛି ଫଟୋ ରଖି ନାହାଁନ୍ତି, ତାଙ୍କ ନାମରେ ଏହା ଏକ ଉଡ଼ା ଖବର । କେବଳ ଘୃଣାଭାବ ସୃଷ୍ଟି କରିବା ପାଇଁ କିଛି ଲୋକ ଏଭଳି କରୁଛନ୍ତି ବୋଲି କହିଛନ୍ତି ଫାତିମା । ସେ ତାଙ୍କ ନୂଆ ଇଂଷ୍ଟାଗ୍ରାମ ପୋଷ୍ଟରେ ପ୍ରଥମେ ସ୍ୱାଧୀନତା ଦିବସର ଶୁଭକାମନା ଜଣାଇଥିଲେ ।
