Only for Entertainment

ଆମାଜନ ପ୍ରାଇମ ଭିଡ଼ିଓରେ ପ୍ରଥମ ଓଡ଼ିଆ ଫିଚର ଫିଲ୍ମ ଭାବରେ ସ୍ଥାନ ପାଇଲା ଅନୁପମ ପଟ୍ଟନାୟକଙ୍କ ତୁଳସୀ ଅପା

odisha sun times
51

ଦର୍ଶକଙ୍କୁ ଗୋଟିଏ ପରେ ଗୋଟିଏ ୱେବ ସିରିଜ ଉପହାର ଦେଉଛନ୍ତି ଯୁବ ନିର୍ଦ୍ଦେଶକ-ନିର୍ମାତା ଅନୁପମ ପଟ୍ଟନାୟକ । ତେବେ ସବୁଠାରୁ ଖାସ କଥା ହେଉଛି ଏବେ ଅମୀୟ ପଟ୍ଟନାୟକଙ୍କ ପ୍ରଡକ୍ସନ ହାଉସର ଭାର ତୁଲାଉଛନ୍ତି ତାଙ୍କ ପୁଅ ଅନୁପମ ପଟ୍ଟନାୟକ । ଦିବଙ୍ଗତ ଚଳଚ୍ଚିତ୍ର ନିର୍ମାତା ଓ ନିର୍ଦ୍ଦେଶକ ଅମିୟ ପଟ୍ଟନାୟକଙ୍କ ଶେଷ ଚଳଚ୍ଚିତ୍ର ତଥା ଓଡ଼ିଶାର ପ୍ରଥମ ବାୟୋପିକ୍‌ ‘ତୁଳସୀ ଅପା’ ପ୍ରଥମ ଓଡ଼ିଆ ଫିଚର୍‌ ଫିଲ୍ମ ଭାବେ ଆମାଜନର ପ୍ରାଇମ ଭିଡିଓ ସୂଚୀରେ ସ୍ଥାନ ପାଇବାର ଗୌରବ ଅର୍ଜନ କରିଛି। ଫଳରେ ରାଜ୍ୟ, ଜାତୀୟ ଓ ଅନ୍ତର୍ଜାତୀୟସ୍ତରରେ ଉଚ୍ଚ ପ୍ରଶଂସା ଓ ପୁରସ୍କାର ସାଉଁଟିଥିବା ‘ତୁଳସୀ ଅପା’କୁ ଏବେ ବିଶ୍ବର ସବୁ ଦେଶର ଦର୍ଶକ ଦେଖିବାର ସୁଯୋଗ ପାଇ ପାରିବେ। ସେହିପରି ଓଡ଼ିଶାର ଯେଉଁ ଦର୍ଶକ ସିନେମା ହଲରେ ଏହାକୁ ଦେଖି ପାରିନାହାନ୍ତି, ସେମାନେ ମଧ୍ୟ ଏବେ ଏହାକୁ ଦେଖି ପାରିବେ।

ଅମିୟ ପଟ୍ଟନାୟକଙ୍କ ପୁତ୍ର ତଥା ଯୁବ ନିର୍ଦେଶକ ଅନୁପମ ପଟ୍ଟନାୟକଙ୍କ ପ୍ରଯୋଜିତ ଓ ଅମିୟ ପଟ୍ଟନାୟକଙ୍କ ନିର୍ଦେଶିତ ‘ତୁଳସୀ ଅପା’ ଓଡ଼ିଆ ସିନେମା କ୍ଷେତ୍ରରେ ଏକ ମାଇଲଖୁଣ୍ଟ। ଓଡ଼ିଶାର ପ୍ରଖ୍ୟାତ ଆଦିବାସୀ ନେତ୍ରୀ ପଦ୍ମଶ୍ରୀ ତୁଳସୀ ମୁଣ୍ଡାଙ୍କ ଜୀବନୀକୁ ନେଇ ୨୦୧୫ରେ ନିର୍ମିତ ହୋଇଥିବା ଏହି ନିଆରା ଚଳଚ୍ଚିତ୍ରଟି ୬ଟି ରାଜ୍ୟ ଚଳଚ୍ଚିତ୍ର ପୁରସ୍କାର ପାଇବା ସହ ତେହରାନ, ବେଙ୍ଗାଲୁରୁ, କୋଲକାତାରେ ଅଫିସିଆଲ ଏଣ୍ଟ୍ରି ଭାବେ ପ୍ରଦର୍ଶିତ ହୋଇସାରିଛି। ଶିମଲା ଚଳଚ୍ଚିତ୍ର ଉତ୍ସବରେ ମଧ୍ୟ ଏହା ସର୍ବଶ୍ରେଷ୍ଠ ଚଳଚ୍ଚିତ୍ର ଭାବେ ବିବେଚିତ ହୋଇଥିଲା। ତୁଳସୀ ଅପାଙ୍କ ଭୂମିକାରେ ବଳିଷ୍ଠ ଅଭିନୟ କରିଥିବା ବର୍ଷା ନାୟକ ହରିୟାଣା ଅନ୍ତର୍ଜାତୀୟ ଚଳଚ୍ଚିତ୍ର ଉତ୍ସବରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ହାସଲ କରିଥିଲେ। ବିଶିଷ୍ଟ ସଙ୍ଗୀତଜ୍ଞ ପଙ୍କଜ ଜାଲ ‘ତୁଳସୀ ଅପା’ର ସଙ୍ଗୀତ ନିର୍ଦ୍ଦେଶନା ଦାୟିତ୍ୱ ତୁଲାଇଥିବା ବେଳେ ପ୍ରେମାଞ୍ଜନ ପରିଡ଼ା, ଚୌଧୁରୀ ବିକାଶ ଦାସ, ଜୟପ୍ରକାଶ (ଟିଲୁ) ଦାସ, ମଧୁସ୍ମିତା, ଲୋଚନୀ ବାଗ୍‌, ମମତା ପଣ୍ଡା, ସୁଜିତ ପାଇକରାୟଙ୍କ ନିଖୁଣ ଓ ପ୍ରଭାବୀ ଅଭିନୟ ଚଳଚ୍ଚିତ୍ରକୁ ବଳିଷ୍ଠ କରିଛି। ଅର୍ଜୁନ ଜେନା ସିନେମାଟୋଗ୍ରାଫି ଦାୟିତ୍ବ ତୁଲାଇଥିବା ବେଳେ ଚିନ୍ମୟ ଦାସପଟ୍ଟନାୟକ ଚିତ୍ରନାଟ୍ୟ ଓ ସଂଳାପ ଲେଖିଛନ୍ତି।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More