ଧନ ବୃଦ୍ଧି କରିବା ପାଇଁ ଚାହୁଁଛନ୍ତି କି ? ପର୍ସରେ ରଖନ୍ତୁ ଏହି ୫ଟି ଜିନିଷ
ଅଧିକରୁ ଅଧିକ ଅର୍ଥ ରୋଜଗାର କରିବାର ଲାଳସା ସମସ୍ତଙ୍କ ମନରେ ଥାଏ । ଏଥିପାଇଁ ମନୁଷ୍ୟ କଠିନରୁ କଠିନ ପରିଶ୍ରମ କରିଥାଏ । କିନ୍ତୁ ପରିଶ୍ରମ କରିବା ପରେ ମଧ୍ୟ ଅନେକ ଥର ପାଖରେ ଅର୍ଥ ରୁହେ ନାହିଁ । ସମୁଦ୍ର ଶାସ୍ତ୍ରରେ କୁହାଯାଇଛି ଯେ ଯଦି ପକେଟରେ ଏମିତି କିଛି ଜିନିଷ ରଖନ୍ତି ତେବେ ଏହାର ଫାଇଦା ଆପଣଙ୍କୁ ମିଳିପାରେ । ଏହି ୫ଟି ଜିନିଷକୁ ପକେଟରେ ରଖିବା ଫଳରେ ଆପଣଙ୍କ ପକେଟ କେବେ ହେଲେ ଖାଲି ହେବନାହିଁ ।
- ଆପଣଙ୍କ ପର୍ସରେ ଧନର ଦେବୀ ମା ଲକ୍ଷ୍ମୀଙ୍କ ଫଟୋ ରଖନ୍ତୁ । ଲକ୍ଷ୍ମୀଙ୍କ କୃପାରୁ ଆପଣଙ୍କ ପର୍ସ କେବେହେଲେ ବି ଖାଲି ହେବନାହିଁ । ଏହା ସହିତ ଅତିରିକ୍ତ ଧନ ରୋଜଗାର କରିବାର ସୁଯୋଗ ମଧ୍ୟ ପାଇବେ ।
- ଆପଣଙ୍କ ପକେଟରେ ପଦ୍ମ ଫୁଲ ମଂଜି ରଖିବା ଦ୍ୱାରା କେବେହେଲେ ଅର୍ଥାଭାବ ହେବ ନାହିଁ । ଏହା କରିବା ଦ୍ୱାରା ମା ଲକ୍ଷ୍ମୀଙ୍କ କୃପା ମିଳିଥାଏ ।
- ପର୍ସରେ ଚାଉଳ ରଖିବା ଲାଭଦାୟକ ହୋଇଥାଏ । କୁହାଯାଏ ପର୍ସରେ କିଛି ଚାଉଳ ରଖିବା ଦ୍ୱାରା ବେକାର ଖର୍ଚ୍ଚ କମ ହୋଇଥାଏ ।
- ପକେଟରେ କିମ୍ବା ପର୍ସରେ ଶ୍ରୀ ଯନ୍ତ୍ର ରଖିବା ଦ୍ୱାରା ଅର୍ଥ ସହିତ ଜଡିତ ସବୁକାମରେ ସଫଳତା ମିଳିଥାଏ । ତେଣୁ ଏହାକୁ ସର୍ବଦା ଆପଣଙ୍କ ପର୍ସରେ ରଖନ୍ତୁ ।
- ପର୍ସରେ ଛୋଟ ଆଇନା ରଖିବା ଦ୍ୱାରା ଧନ ସଂଚୟ ହୋଇଥାଏ । ଏହାଦ୍ୱାରା ଅଯଥା ଖର୍ଚ୍ଚ ହୋଇନଥାଏ ।