ଦେଶର ପ୍ରଥମ ସୁପରଷ୍ଟାର କେଏଲ ସହଗଲଙ୍କ ଜନ୍ମଦିନରେ ଡୁଡଲ କରି ସମ୍ମାନ ଜଣାଇଲା ଗୁଗୁଲ

ଭାରତୀୟ ସିନେମାର ପ୍ରଥମ ସୁପରଷ୍ଟାର କେଏଲ ସହଗଲଙ୍କ ୧୫ ବର୍ଷ ଫିଲ୍ମ କ୍ୟାରିୟର ମଧ୍ୟରେ ସେ ଯେଉଁ ପରିଚୟ ସୃଷ୍ଟି କରିଛନ୍ତି ତାହାକୁ କେହି ଭୁଲି ପାରିବେ ନାହିଁ । ଆଜି ତାଙ୍କର ୧୧୪ ତମ ଜନ୍ମଦିନ ଅବସରରେ ଗୁଗୁଲ ଡୁଡଲ କରି ତାଙ୍କୁ ସମ୍ମାନ ଜଣାଇ ମନେ ପକାଇଛନ୍ତି । ତାଙ୍କ ପୁରା ନାମ ଥିଲା କୁନ୍ଦନ ଲାଲ ସହଗଲ । ୧୧ ଏପ୍ରିଲ ୧୯୦୪ରେ ସେ ଜନ୍ମଗ୍ରହଣ କରିଥିଲେ । ୧୯୩୨ ରୁ ୧୯୪୭ ପର୍ଯ୍ୟନ୍ତ ସେ ଫିଲ୍ମ ଦୁନିଆରେ ନିଜର ଦବଦବା ବନାଇ ରଖିଥିଲେ ଏବଂ ସେହି ସମୟରେ ତାଙ୍କୁ ଟକ୍କର ହେବା ଭଲି କେହି ନଥିଲେ । ୧୫ ବର୍ଷ କ୍ୟାରିୟର ମଧ୍ୟରେ ସେ ଅନେକ ଗୀତ ଗାଇବା ସହିତ ଅନେକ ଫିଲ୍ମରେ ଅଭିନୟ ମଧ୍ୟ କରିଛନ୍ତି ।

୧୫ ବର୍ଷ କ୍ୟାରୟର ମଧ୍ୟରେ ସେ ୨୦୦ ରୁ ଅଧିକ ଫିଲ୍ମରେ ଗୀତ ଗାଇଛନ୍ତି । ଆଜି ମଧ୍ୟ ଯୁବ ପିଢି ତାଙ୍କ ଗୀତକୁ ଗାଉଥିବା ଦେଖିବାକୁ ମିଳିଛି । ଏହା ସହ ସେ ତାଙ୍କ ଫିଲ୍ମ କ୍ୟାରିୟର ମଧ୍ୟରେ ୩୬ଟି ଫିଲ୍ମରେ କାମ କରିଛନ୍ତି । ତାଙ୍କର ସୁପରହିଟ ଫିଲ୍ମ ‘ଦେବଦାସ’ ତାଙ୍କୁ ସୁପରଷ୍ଟାରର ମାନ୍ୟତା ଦେଇଥିଲା । ଏବଂ ତାଙ୍କ ଲୋକପ୍ରିୟତା ଶୀର୍ଷରେ ପହଁଚିଥିଲା ।

କିନ୍ତୁ ମାତ୍ର ୪୨ ବର୍ଷ ବୟସରେ ତାଙ୍କର ନିଧନ ହୋଇଥିଲା । ସେ ୧୮ ଜାନୁଆରୀ ୧୯୪୭ରେ ସେ ମୃତ୍ୟୁ ବରଣ କରିଥିଲା ।