କାନ୍ସ ଫିଲ୍ମ ଫେଷ୍ଟିଭାଲରେ ହୀନା ଖାନଙ୍କୁ ମିଳିଲା ଏହି ଉପହାର, ଖୁବଶୀଘ୍ର ବଲିଉଡରେ କରିବେ ଏଂଟ୍ରି !
ଟେଲିଭିଜନର ବଡ ସିରିଅଲ ‘ୟେ ରିସ୍ତା କ୍ୟା କେହେଲାତା ହେ ଏବଂ କସୌଟି ଜିନ୍ଦେଗୀକି୨’ଫେମ ହିନା ଖାନ କାନ୍ସ ଫିଲ୍ମ ଫେଷ୍ଟିଭାଲ ୨୦୧୯ରେ ରେଡ କାର୍ପେଟରେ ଡେବ୍ୟୁ କରିଥିଲେ । ଫେଷ୍ଟିଭାଲର ଦ୍ୱିତୀୟ ଦିନ ଅର୍ଥାତ ବୁଧବାର ଦିନ ସେ ଯେତେବେଳେ ରେଡ କାର୍ପେଟରେ ଚଢିଥିଲେ ସମସ୍ତଙ୍କ ନଜର ଅଟକି ଯାଇଥିଲା । ତେବେ ହୀନାଙ୍କ ମୁଣ୍ଡରେ ହାତୀ ସୁନା କଳସ ଢାଳିବା ଭଳି ଫ୍ୟାନ୍ସଙ୍କ ପାଇଁ ଏବେ ଖୁସି ଖବର । ହୀନା ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି ଯାହାର ପୋଷ୍ଟର ରିଲିଜ ହୋଇଛି । ଫିଲ୍ମର ନାଁ ରହିଛି ଲାଇନ୍ସ । ଏହି ପୋଷ୍ଟର ହିନା ତାଙ୍କ ସୋସିଆଲ ଅକାଉଂଟରେ ଶେୟାର କରିଛନ୍ତି ।
ଟିଭି ସିରିୟଲ ‘ ୟେ ରିସ୍ତା କ୍ୟା କହଲାତା ହେ’ ରୁ ନିଜ କ୍ୟାରିୟର ଆରମ୍ଭ କରି ସଫଳ ହୋଇଥିବା ହିନା ଖାନ ଏବେ ବଲିଉଡ଼ରେ ନିଜ ଭାଗ୍ୟ ପରୀକ୍ଷା କରିବା ଲାଗି ଅଣ୍ଟା ଭିଡିଲେଣି। ହିନାଙ୍କ ଅପ୍କମିଙ୍ଗ ଫିଲ୍ମ ‘ଲାଇନ୍ସ‘ ର ପୋଷ୍ଟର ୭୨ତମ କାନ୍ ଫିଲ୍ମ ଫେଷ୍ଟିଭାଲରେ ରିଲିଜ ହୋଇଛି। ହୀନା ଏଥର କାନ୍ରେ ନିଜର ଡେବ୍ୟୁ ମଧ୍ୟ କରିଛନ୍ତି । ଏହି ଫିଲ୍ମରେ ସେ ‘ନାଜିଆ’ ନାମ୍ନୀ ଏକ ସାଧାରଣ ଯୁବତୀ ଭୂମିକାରେ ନଜର ଆସିବେ। ସେ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ନିଜ ଫିଲ୍ମ ‘ଲାଇନ୍ସ’ର ପୋଷ୍ଟର ଶେଆର କରିଛନ୍ତି।