‘ରୁସ୍ତମ’ ଲେଖକଙ୍କୁ ମିଳିଲା ଲିଗାଲ ନୋଟିସ, ଧାର୍ମିକ ଭାବନାକୁ ଆହତ କରିବାର ଲାଗିଛି ଆରୋପ!
ରୁସ୍ତମ ଫେମ ଲେଖକ ବିପୁଲ କେ. ରାୱଲଙ୍କ ନିର୍ଦ୍ଦେଶନାରେ ପ୍ରସ୍ତୁତ ପ୍ରଥମ ଫିଲ୍ମ ‘ଟୋନୀ’ ରିଲିଜ ନହେଉ ମୁମ୍ବାଇର ଓକିଲ ହରିଶଚନ୍ଦ୍ର ସୋମେଶ୍ୱର ଲିଗାଲ ନୋଟିସ ପଠାଇଛନ୍ତି । ଓକିଲଙ୍କ କହିବା ଅନୁସାରେ ଫିଲ୍ମର ପୋଷ୍ଟର ଇଶାଇ ସମୁଦାୟର ଧାର୍ମିକ ଭାବନାକୁ ଆଘାତ ପହଁଚାଇଛି ।
#TheIndianWire covered #Tony and here’s what they had to say! @JinalBel #ranayashodhansingh#TonyTheFilm #movies #film #movie #cinema #films #featurefilm #actor #actoryashrana #bollywood #bollywoodfilm #hindifilm #india #Chruch #vipulkrawalhttps://t.co/bBw1QuaXPQ
— TonyTheFilm (@TonyTheFilm) October 25, 2019
ପୋଷ୍ଟରରେ ପବିତ୍ର କ୍ରାସର ଫେଟା ଦେଖିବାକୁ ମିଳିଛି ଯେଉଁ ଥିରେ ଏକ କଟା ହାତରେ ଶିଙ୍କୁଳି ବନ୍ଧା ହୋଇଥିବାର ନଜର ଆସିଛି । ନୋଟିସରେ ଲେଖା ହୋଇଛି ଯେ ନିର୍ମାତା ଏହି ଛବିକୁ ଅନୈତିକ ଭାବେ ବ୍ୟବହାର କରିଛନ୍ତି ଏହା ସହିତ କ୍ୟାଥୋଲିକ ସମୁଦାୟର ଭାବନାକୁ ଆହତ ପହଁଚାଇଛନ୍ତି ।
ନୋଟିସ ମିଳିବା ପରେ ରାୱଲ କହିଛନ୍ତି, ‘ମୋ ଫିଲ୍ମ ଏକ କ୍ୟାଥୋଲିକ ସିରିଏଲ କିଲର ଉପରେ ଆଧାରିତ । ମୁଁ ପୋଷ୍ଟରରେ ପବିତ୍ର କ୍ରାସ ଚିହ୍ନକୁ ବ୍ୟବହାର କରିଛି । କାରଣ ଏହା ସହିତ ମୋ ଫିଲ୍ମର ସମ୍ପର୍କ ରହିଛି । ’
ଏହା ସହିତ ରାୱଲ କହିଛନ୍ତି, ‘ମୁଁ କାହାର ଧାର୍ମିକ ଭାବନାକୁ ଆହତ କରିନାହିଁ । ଏହା କେବଳ ଲୋକଙ୍କ ଦୃଷ୍ଟିକୋଣ ସେମାନେ ଏହାକୁ କିପରି ଦେଖୁଛନ୍ତି । ମୁଁ ପୋଷ୍ଟରରେ କୌଣସି ପରିବର୍ତ୍ତନ କରିବି ନାହିଁ । ଯଦି ଲୋକଙ୍କର ସମସ୍ୟା ହେଉଛି ତେବେ ଆମେ ଏହାକୁ ନେଇ କଥା ହେବୁ ।’
‘ଟୋନୀ’ର କାହଣୀ ଚାରିଜଣ ମନୋବିଜ୍ଞାନ ଛାତ୍ରଙ୍କ ଉପରେ ଆଧାରିତ । ଏହି ଚାରିଜଣେ ଛାତ୍ର ଚର୍ଚ୍ଚର କନଫେସନ ବକ୍ସରେ କ୍ୟାମେରା ଲଗାଇ ସିରିଅଲ କିଲର ଟୋଲୀକୁ ଧରିଥାନ୍ତି । ଫିଲ୍ମ ୨୯ ନଭେମ୍ବରରେ ରିଲିଜ ହେବ ।