ବଲିଉଡ ଗାୟକ ମିକା ସିଂ, କୃଷ୍ଣସାର ମୃଗ ଶିକାର ମାମଲାରେ ଜେଲଦଣ୍ଡ ଭୋଗୁଥିବା ସଲମାନ ଖାନଙ୍କ ସପକ୍ଷରେ ବାହାରିଛନ୍ତି । ସେ କହିଛନ୍ତି ଦେଶରେ ସମସ୍ତଙ୍କ ପାଇଁ କାନୁନ ସମାନ ହେବା ଉଚିତ । ସେ ନିଜ ସୋସିଆଲ ମିଡିଆରେ ଏକ ଭିଡିଓ ଶେୟାର କରି ସଲମାନଙ୍କ ପ୍ରତି ନିଜର ସମବେଦନା ଜଣାଇଛନ୍ତି । ଏହା ସହିତ ସେ ଭାରତର କାନୁନ ଉପରକୁ ଆଙ୍ଗୁଳି ଉଠାଇଛନ୍ତି ।
ଟୁଇଟ କରି ସେ ଲେଖିଥିଲେ, ‘ମୁଁ କାନୁନ ପ୍ରଣାଳୀର ଆଦର କରେ କିନ୍ତୁ ସମସ୍ତଙ୍କ ପାଇଁ ଆଇନ ସମାନ ହେବା ଉଚିତ । ସଲମାନ ଖାନ ସେଲିବ୍ରିଟି ହୋଇଥିଲେ ମଧ୍ୟ ତାଙ୍କୁ ଯଦି ଦଣ୍ଡ ଦିଆଯାଉଛି ତେବେ ଏପରି ଲୋକ ଯେଉଁମାନେ ଜଣେ ଏକ ଦୁର୍ବଳ ବାଳକକୁ ପିଟୁଛନ୍ତି ଏବଂ ତାହାର ଭିଡିଓ କରୁଛନ୍ତି ସେମାନଙ୍କୁ ମଧ୍ୟ ଦଣ୍ଡ ଦେବା ଉଚିତ । ସେମାନେ ସୁରକ୍ଷିତ କାରଣ ସେମାନେ ସଲମାନ ନୁହଁନ୍ତି ।’
I respect Our Legal System but Law should be same for all if @beingsalmankhan can be convicted though he is celebrity then such people who r assaulting a poor guy and making a video of their criminal act should also be punished.. They r safe cuz they r not @BeingSalmanKhan ..?? pic.twitter.com/1ikLMNtzAO
— King Mika Singh (@MikaSingh) April 6, 2018
ସୂଚନା ଅନୁସାରେ ମିକା ଯେଉଁ ଭିଡିଓ ଶେୟାର କରିଛନ୍ତି ସେଥିରେ ଅନେକ ଲୋକ ମିଶି ଏକ ପିଲାକୁ ପିଟୁଛନ୍ତି । କିନ୍ତୁ ଏହା କେଉଁଠାର ଭିଡିଓ ଏବଂ ସେମାନେ କିଏ ତାହାର କୌଣସି ସୂଚନା ଦେଇନାହାଁନ୍ତି ।
ଏପରି ଅନେକ ଭିଡିଓ ଭାଇରାଲ ହେଉଛି କିନ୍ତୁ ତାହା ଉପରେ କୌଣସି ମାମଲା ରୁଜୁ ହେଉନାହିଁ ।