‘ସ୍ତ୍ରୀ’ ପରେ ଡରାଇ ଡରାଇ ହସାଇବେ ରାଜକୁମାର ରାଓ, ସାଥ ଦେଇ ପାରନ୍ତି ଜାହ୍ନବୀ କପୁର

ଗତ ବର୍ଷ ରିଲିଜ ହୋଇଥିବା ଫିଲ୍ମ ‘ଧଡକ’ରେ ଡେବ୍ୟୁ କରିବା ପରେ ଜାହ୍ନବୀ କପୁରଙ୍କ ପାଖରେ ଏବେ ବଡ ପ୍ରୋଜେକ୍ଟ ରହିଛି । ଇଣ୍ଡଷ୍ଟ୍ରୀର ଅନେକ ନିର୍ଦ୍ଦେଶକ ଏବଂ ନିର୍ମାତା ଜାହ୍ନବୀଙ୍କୁ ନିଜ ଫିଲ୍ମରେ ନେବା ପାଇଁ ଚାହିଁ ରହିଛନ୍ତି । ନିକଟରେ କରଣ ଜୋହର ନିଜ ଆଗାମୀ ମଲ୍ଟିଷ୍ଟାରର ଫିଲ୍ମ ‘ତଖ୍ତ’ରେ ନେବା ପାଇଁ ଘୋଷଣା କରି ସାରିଛନ୍ତି । ଏହା ବ୍ୟତିତ ସେ ଗୁଞ୍ଜନ ସକ୍ସେନାଙ୍କ ବୟୋପିକ ଫିଲ୍ମରେ ମଧ୍ୟ ନଜର ଆସିବେ । ଏବା ଜାହ୍ନବୀଙ୍କୁ ନେଇ ଏ କ ନୂଆ ଖବର ସାମ୍ନାକୁ ଆସିଛି ।

ଖବର ଅନୁସାରେ ଦିନେଶ ବିଜାନଙ୍କ ଆଗାମୀ ଫିଲ୍ମ ପାଇଁ ଅଭିନେତ୍ରୀ ଜାହ୍ନବୀ କପୁରଙ୍କୁ ଆପ୍ରୋଚ କରାଯାଇଛି । ଯଦି ସବୁ ଠିକ ରୁହେ ତେବେ ଏହି ଫିଲ୍ମରେ ଜାହ୍ନବୀ ଏବଂ ରାଜ କୁମାରଙ୍କ ଯୋଡି ଦର୍ଶକ ଦେଖିବାକୁ ପାଇବେ ।

ଆମେ ପୂର୍ବରୁ ଆପଣଙ୍କୁ ଜଣାଇଥିଲୁ ଯେ, ନିର୍ଦ୍ଦେଶକ ଦିନେଶ ବିଜାନ ଫିଲ୍ମ ‘ସ୍ତ୍ରୀ’ର ସଫଳତା ପରେ ରାଜ କୁମାରଙ୍କ ସହିତ ଏକ ହରର-କମେଡି ଫିଲ୍ମ ନିର୍ମାଣ କରିବା ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି । ଏହି ଫିଲ୍ମ ପାଇଁ ମେକର୍ସ ଜାହ୍ନବୀଙ୍କୁ ଆପ୍ରୋଚ କରିଛନ୍ତି । ଯଦି ଜାହ୍ନବୀ ହଁ କୁହନ୍ତି ତେବେ ଏକ ଫ୍ରେସ ଯୋଡି ଦେଖିବାକୁ ମିଳିବ ।